Saray Tagleey 4:16 - Maung A Balita Biblia

¹⁶ Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Maung a Balita Biblia

¹⁶ Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Saray Tagleey 4:16 Referans Kwoze

Saray Tagleey 5:12

Narel tan nibitay iray pangulo mi; ag da inggalang iray mamatakken mi.

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Deuteronomio 32:26

Pinatey ko la ra komun ya amin, pian anggapo lay makanunot ed sikara.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Jeremias 15:4

Pagmaliwen kon pakataktakotan ira na saray amin a katoowan ed intiron mundo, lapud samay ginagawad Jerusalem nen Manases a lakin anak nen Ezekias sanen sikatoy ari na Juda.”

Saray Salmo 106:44

Anggaman ontan, dinengel iray Dios nen tinmawag ira, tan inimano toy kairapan da.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Genesis 49:7

Sakey a samba komuy niwala ed pasnuk da, lapud alablabas, Tan diad petang na olo ra, lapud mapalalon maruksa. Ikaykayat ko rad intiron dalin na Israel. Itaytayak ko rad saray totoo na Israel.

Jeremias 52:24

Si Nebuzaradan a pangulo na saray sondalo na Babilonia inaala ton priso ira di Seraias a Pangulon Pari, Sofonias ya onkumadwad Pangulon Pari, tan talora nin manonan opisyal na Timplo.

Saray Tagleey 2:6

Minekmek toy Timplo ya angigalangan mid sikato; Pinatonda to ray masanton agew tan saray Agew na Panagpainawa. Ari may pari, alikna ray biskeg na petang na olo to.

Saray Salmo 106:27

tan ibuyak tod nandoroman bansa iray kabyangay boleg da, tan paolyan to ran ompatey ed saray arum a bansa.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.