Saray Tagleey 3:32 - Maung A Balita Biblia

³² Anggaman a panermenen to itayo, kasian to tayo onung na daakan ya ag mangoman a panangaro to.

Maung a Balita Biblia

³² Anggaman a panermenen to itayo, kasian to tayo onung na daakan ya ag mangoman a panangaro to.

Saray Tagleey 3:32 Referans Kwoze

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 103:11

No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Lucas 15:20

Inmalagey sirin, ta onla lan ompawil ed kinen ama to. “Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

2 Saray Arari 13:23

balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

Saray Tagleey 3:22

Ag mangangga so ag mangoman a panangaro tan panangasi na Katawan.

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Nahum 1:12

Sikato yay kuan na Katawan ed saray totoo ton Israel: “Anggaman a mabiskeg tan amayamay iray taga Asiria, naderal tan naandipat ira. Totook, pinairap ta kayo, balet ag ko la oliten a gawaen.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Isaias 54:7

“Diad maganon bekta tinaynan ta ka; balet lapud ontan lan panangarok ed sika sayakopen ta ka.