Saray Tagleey 3:24 - Maung A Balita Biblia

²⁴ Say Katawan labat so walad siak, kanyan diad sikato so kawalaay ilalok.

Maung a Balita Biblia

²⁴ Say Katawan labat so walad siak, kanyan diad sikato so kawalaay ilalok.

Saray Tagleey 3:24 Referans Kwoze

Saray Salmo 73:26

Nayarin onkapoy so kanunotan tan laman ko, balet say Dios so biskeg ko; sikato labat so nakaukolan ko.

Saray Salmo 16:5

Sika, Katawan, so amin a kayaryan ko, iiter moy amin a nakakaukolan ko; walad sanduan limam so bilay kod arapen.

Saray Tagleey 3:21

Balet pinmawil so ilalok nen anunotan ko yan bengatla:

Saray Salmo 142:5

Katawan, onkekerew ak ed sika na tulong; sika, Katawan, so manangyagel ko; sika labat so nakaukolan kod sayan bilay.

Saray Salmo 33:18

Imanoen na Katawan iray mangigagalang ed sikato, saray manmamatalek ed ag mangoman a panangaro to.

Jeremias 51:19

Say Dios nen Jacob et aliwan singa sikara; sikatoy nanggawa ed amin a bengatla, tan pinili ton totoo ton dili so Israel. Yahweh a Makapanyarin-amin so ngaran to.

Saray Salmo 31:24

Mampabiskeg kayo tan mampakasil kayoy linawa, amin yon maniilalod Katawan.

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

Saray Taga Roma 15:12

Ibabaga met ni nen Isaias, “Onsabi so kabyangay boleg nen Jesse, ontalindeg a manoley ed saray Hintil, tan manilalo rad sikato.”

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

Saray Salmo 84:12

Agaylay liket da ray manmamatalek ed sika, O Katawan a Makapanyarin-amin!

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 43:5

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

1 Samuel 30:6

Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.

Saray Salmo 119:57

Sika labat, Katawan, so pampipilalekan ko; isisipan kon onuren iray ganggan mo.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Saray Salmo 42:5

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Deuteronomio 18:2

Ag ira nepeg a mangayaryan na dalin, aliwan singa saray arum a tribu; say betang da et say kanepegan dan pari na Katawan, onung na insipan na Katawan.

Say Libro nen Job 22:25

Ipasen mo lan say Makapanyarin-amin a Dios so balituk mo tan sankaabigan a pilak mo.

Saray Salmo 71:14

Sika lawas so panilaloan ko; lalon idayew ta ka lan idayew.

Saray Salmo 94:19

No mapagpaga tan nagugunigon ak, liligligwaen tan pagagayagaen mo ak.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.