Saray Tagleey 3:2 - Maung A Balita Biblia

² Sinonson to ak lan sinonson ed kabilongetan ya anggapo lan balut so liwawa.

Maung a Balita Biblia

² Sinonson to ak lan sinonson ed kabilongetan ya anggapo lan balut so liwawa.

Saray Tagleey 3:2 Referans Kwoze

Isaias 59:9

Saray totoo kuanda, “Amta tayo la natan no akin et ag itayo iyagel na Dios ed saray mamapairap ed sikatayo. Pampipilalekan tayoy liwawan pankurangan, balet bilonget labat ya amin so wala,

Say Libro nen Job 30:26

Nanilalo ak ed isabiy liket tan liwawa, balet gunigon tan kabilongetan so sinmabid siak la laingen.

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.

Judas 1:6

Nunot yo met iray anghil ya ag nansiansiad sakop na kanepegan tan kipapasen da; ingen tinaynan day panaayaman da. Say Dios binalur to ra na andi-anggaan a golunggolung diad aralem tan ambilonget a pasen, a diman da aalagdey pakadusa ra no Agew na Okum.

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 4:23

Ninmengneng ak ed mundo—anggapoy nengneng odino kakanaan to; tinmangay ak ed tawen—anggapoy liwawa.

Say Libro nen Job 18:18

Taynan to lay liwawa ya onarap ed kabilongetan; taynan to lay tapew na dalin.

Deuteronomio 28:29

Anggan agew karapkarap kayo a singa toon bulag, et ag yo natonton so laen yo. Ag kayo onaligwas ed antokaman a gawaen yo. Napairap kayo tan natakewan kayo lawas, et anggapoy siopaman ya ontulong ed sikayo.