Saray Tagleey 2:19 - Maung A Balita Biblia

¹⁹ Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo— Saray anak ya ompapatey ed eras diad balang sokung na daladalan!

Maung a Balita Biblia

¹⁹ Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo Saray anak ya ompapatey ed eras diad balang sokung na daladalan!

Saray Tagleey 2:19 Referans Kwoze

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Saray Salmo 142:2

Iyaakar kod sikato ray riklamok; idadalem kod sikato ray gunigon ko.

Marcos 1:35

Diad ontombuk ya agew, ambilonget ni nen binmangon si Jesus. Linmad sakey a mareen a pasen tan nampikasid man.

1 Samuel 1:15

Inmebat, “Aliwak ak pan abuek. Ag ak inminom na alak no ag ingen maermen ak a maung. Mampipikasi ak tan ibabagak ed Katawan iray gunigon ko.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Saray Huis 7:19

Sinmabiy Gedeon tan saray sanlasus a totoo to ed samay gilig na kampo nen magano lay pegley labi tan kakkapansalat na guardia. Insan da pinaknul so trumpita ra tan imbetag da may sankabembenan dan porunggo,

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.

Lucas 6:12

Diad saman a panaon, linmay Jesus ed nipalandey a pasen tan sanlabin nampikasid man ed Dios.

Marcos 13:35

Sipaparaan kayo komun sirin, ta ag yo amtay isabi na akanabung. Nayarin onsabi no atapew ni so labi, o no pegley labi, o no palbangon, o no ngalngali lan ompaway so agew.

Mateo 14:25

Nen palbangon, dinmagod sikara si Jesus a manaakar ed tapew na danum.

Saray Salmo 119:55

Nununoten ta ka no labi, Katawan, tan dadalepdepen koy ganggan mo.

Saray Salmo 28:2

Dengel mo ak pa no onkerew ak ed sika na tulong, no iyatagey ko ray limak tan iyarap ko rad masanton Timplom.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

1 Timoteo 2:8

Labay kon saray lalakid inerman a pasen et mampikasi ra, saray lalakin matoor ed Dios, anggapoy iirapen day linawa tan anggapoy kakolkol da.

Ezekiel 5:16

Patondaen koy pangitolur na kakanen ed sikayo pian naerasan kayo. Nalikna yo so sulit na eras a singa panan nibolus a maneral ed sikayo.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Saray Salmo 134:2

Diad Timplo itagey yoy kalimaan yo a mampikasi, tan idayew yoy Katawan!

Saray Salmo 63:4

Misalamat ak ed sika leleg kon mambibilay; itagey ko ray limak a mampikasid sika.

Say Libro nen Job 3:24

Ag ak mamangan lapud ermen ko; ag ontonday panay-ay ko.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Saray Salmo 42:3

Agew-labin manakakis ak, tan saray luak labat so pambibilay ko; saray kalaban ko et pitepet da, “Iner so kawalaay Dios mo?”

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 142:3

Amta toy nepeg kon gawaen, no nanaekalan ak lay ilalo. Saray kalaban ko pinatitan da ak ed dalanen ko.

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Mikias 1:16

Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.