Saray Tagleey 2:17 - Maung A Balita Biblia

¹⁷ Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Maung a Balita Biblia

¹⁷ Sinumpal na Katawan so ginetma ton gawaen; Dineral to itayon andi-panangasi, onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Saray Tagleey 2:17 Referans Kwoze

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Saray Salmo 89:42

Impanatalom iray kalaban to; pinapaliket mo ran amin.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

Mikias 2:3

Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Saray Salmo 38:16

Ag mo pa iyaabuloy ya elek-elekan na saray kalaban ko so paniirap ko; ag mo pa met iyaabuloy a manlastug ira lapud inkatalok.

Saray Salmo 35:24

Katawan a Dios ko, matonung ka, kanyan ibawag mon anggapoy kasalanan ko; ag mo iyaabuloy pa ya elek-elekan ak na saray kalaban ko.

Saray Salmo 35:26

Saray elek-elekan day paniirap ko et sigput ira komun a natalo tan nagewgew; saray mambalegbalegan nen say siak et napaabeba ra tan napelag ira komun ed kababaingan.

Isaias 14:29

Totood Filistia, apoter so bastun ya amekpek ed sikayo, balet ag yo ya nepeg a panliketan. No ompatey so sakey ya oleg, onsalat so lalon maoges nen say sikato. Ompusnak so mantikyab a dragon ya iknul na oleg.

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Saray Tagleey 3:43

“Inosilan mo kami tan andi-panangasin pinapatey mo kami; asaniban na pasnuk mo so panangasim.

Saray Tagleey 4:11

Impelag na Katawan so intiron biskeg na petang na olo to; pinoolan to ya anggad dalin so siudad na Sion.

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

Saray Salmo 89:43

Ginagawam ya andi-kakanaan iray armas to, tan impatalom ed bakal.

Jeremias 40:3

et natan sinumpal to yan impasakbay to. Onyay agawa lapud saray totoom et nankasalanan irad Katawan tan ag da inonur.

Sofonias 1:2

Say Katawan kuanto, “Sigput kon deralen ya amin iray bengatlan walad tapew na dalin,