Saray Tagleey 2:14 - Maung A Balita Biblia

¹⁴ Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Maung a Balita Biblia

¹⁴ Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Saray Tagleey 2:14 Referans Kwoze

Ezekiel 22:28

Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Jeremias 37:19

Antoy asumpalan da ray propitan angibagad sika a say ari na Babilonia et ag to ka dogpaan odino sayan bansa?

Jeremias 28:15

Insan inkuankod kinen Ananias, “Dengel ka, Ananias! Ag ka imbaki na Katawan, tan gagawaen mon manisiad tila ira yan totoo.

Jeremias 23:36

Kanyan ag da la nepeg ya ikana ira yan salita, ‘Say makabelbelat ed Katawan,’ ta no walay mangikana, pansakbaten kon tua na ambelat. Saray totoo pinikewet da ray salita na Dios da, say mabilay a Dios a Katawan a Makapanyarin-amin.

Jeremias 23:22

No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Jeremias 20:6

Nipaakar ed sika, Pasur, tan amin da ray kabyangay pamilyam, nadakep tan niakar kayod Babilonia. Ompatey tan nipompon kayod man ya amin a pati amin a kakaarom a tinitilaan mo.’”

Jeremias 29:21

“Say Katawan a Makapanyarin-amin a Dios na Israel nansalita na nipaakar ed kinen Acab a lakin anak nen Colaya tan si Sedekias a lakin anak nen Maasias a titilaan da kayo ed ngaran to. Imbaga na Katawan, ya ipalima to rad pakayari nen Ari Nabucodonosor na Babilonia a mangipapatey ed sikarad arap yo.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 23:36

Say Katawan kuantod siak, “Sika a toon ompatey, akaparaan ka lan manintinsia ed kinen Ahola tan si Aholiba? Akusam irad saray makapaingungot a ginagawa ra.

Oseas 9:7

Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Mikias 3:8

Balet para siak, say Katawan papanoen to ak na ispiritu to tan say pakayari to. Iitdan to ak na ispiritu na katunongan tan say biskeg na linawan mangibagad saray totood Israel na saray kasalanan da.