Saray Tagleey 2:1 - Maung A Balita Biblia

¹ Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Maung a Balita Biblia

¹ Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Saray Tagleey 2:1 Referans Kwoze

Saray Salmo 132:7

Inkuanmi, “Onla itayod abung na Katawan; mangigalang itayod arapay trono to!”

1 Saray Awaran 28:2

Nanalagey ed arap da si Ari David tan nansalita ed sikara. Inkuanto, “Dengel yo ak, sikayon agagik tan totook. Nampilalekan koy mangipaalagey na mansiansian panayaman na Kaban na Sipanan, say panangitapeway sali na Katawan tayon Dios. Imparaan ko ray nakaukolan ed pangipaalagey na sakey a timplo a pamagalang ed Dios,

Lucas 10:18

Inmebat si Jesus, “Anengneng koy Satanas a naplag a singa kirmat a nanlapud tawen!

Mateo 11:23

Tan sika, Capernaum, labay moy niatagey ya anggad tawen? Nibantak ka ni inged impirno! Ta no agawa komun ed Sodoma ray milagron agawad sika, wala nin anggad natay Sodoma!

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Saray Salmo 99:5

Idayew yoy Katawan a Dios tayo; igalang yo ed arap na trono to! Sikatoy masanto!

Lucas 10:15

Tan sika, Capernaum, labay moy niatagey ya anggad tawen? Nibantak ka ni inged impirno!”

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Saray Tagleey 4:1

Binmurarog la so kirlap na balituk tayo; ataytayak ed saray dalan iray bato na Timplo;

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

2 Samuel 1:19

“Diad saray pokdul na Israel inatey iray pangulo tayo! Atumba iray sankasebegan a sondalo tayo!

1 Samuel 4:21

Icabod so inngaran tod samay ogaw, ta inkuanto, “Say Israel tinaynan na kagalangan na Dios”—totokuyen toy inkasamsam na Kaban na Sipanan tan say impatey na katolangan to tan say asawa to.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Ezekiel 19:12

Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

1 Samuel 4:22

Inkuanto, “Say Israel tinaynan na kagalangan na Dios, lapud asamsam so Kaban na Sipanan na Dios.”

Saray Salmo 89:45

Pinatikey moy panaon na kabisbiskegan to, tan impelag mod kababaingan.

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Saray Tagleey 1:12

“Nengneng yo ak,” eyag na siudad ed balang ondadalan. “Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Saray Tagleey 4:11

Impelag na Katawan so intiron biskeg na petang na olo to; pinoolan to ya anggad dalin so siudad na Sion.

Ezekiel 13:13

Natan saya so kuan na Katawan a Dios: “Diad pasnuk ko mangisiplug ak na mabiskeg a dagem, mangipelag ak na maples ya oran, tan say yilon oran a maneral ed samay padir.