Saray Tagleey 1:7 - Maung A Balita Biblia

⁷ Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Maung a Balita Biblia

⁷ Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Saray Tagleey 1:7 Referans Kwoze

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Lucas 15:17

Nen anunotan toy maung inkuantod sikaton dili, ‘Amin da ray katulong na amak dugay kakanen da. Masoluk ni ingen! Siak, balet, wadyan ompapatey lad eras.

Mikias 4:11

Nantitipon iray amayamay a bansa ya ondogpad sikayo. Kuanda, “Nepeg a naderal so Jerusalem! Nengnengen tayon aderal-deral yan siudad!”

Oseas 2:7

Osilan to ray kainarowan to, balet ag to ra naabot. Anapen to ra, balet ag to ra narumog. Insan to ikuan, “Ompawil ak ed samay inmonan asawak, ta maung niy kipapasen na bilay ko nen kaamung ko nen say kipapasen ko natan.”

Saray Tagleey 4:17

Nananap kami lan nananap na tulong, balet anggapo met lamlamang. Nanalagar kami lan nanalagar na tulong na sakey a bansa, balet anggapo met lamlamang so nitulong to.

Jeremias 37:7

“Onsasabin ontulong ed sika ray sondalon Egipsio, balet ompawil irad Egipto.

Saray Salmo 77:3

No nunoten koy Dios, mandageyem ak; no mandalepdep ak, onkakapoy so linawak.

Say Libro nen Job 29:2

“Komun ta napapawil ira may agew a linmabas, nen bambantayan ak na Dios!

Isaias 64:11

tan aderal na apoy so Timplo mi, say masanto tan marakep a pasen ya angidayewan ed sika nen saman na saray lalaki mi. Aderal-deral ya amin iray pasen ya inararo mi nen saman.

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

Isaias 64:10

Singa kabueran iray siudad mo; ataynan ya aderal-deral so Jerusalem,

Ezekiel 25:3

Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.

Ezekiel 25:6

“Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.