Saray Tagleey 1:20 - Maung A Balita Biblia

²⁰ “Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan ed daladalan, tan anggan diad dalem na kaabungan walay patey.

Maung a Balita Biblia

²⁰ Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan et daladalan, tan anggan diad dalem na kaabungan walay patey.

Saray Tagleey 1:20 Referans Kwoze

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Ezekiel 7:15

Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.

Isaias 16:11

Manoogaog ak ed ermen lapud agawad Moab tan Kir-hareset.

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Say Libro nen Job 30:27

Lapud kapagaan tan sakit singa ak abingbingkas; kairapan labat so walad siak ya inagew-agew.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Saray Tagleey 1:11

Manayay iray totoo to legan dan manaanap na naakan da; Isasalat dad nakan so kayamanan da, pian napabiskeg ira. “Imano mo ak, Katawan,” eyag na siudad; “nengneng mo pay pangaskasiyan a kipapasen ko.”

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Jeremias 48:36

“Singa ak toon manotogtog ed plauta na sakey a togtog a para tolur diad pannanangis kod Moab tan saray totood Kireres, ta naandi ya amin so kayaryan da.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 2:35

kuanmo, ‘Anggapoy kasalanan ko; andi-saew ya ag la mamapasnuk so Katawan ed siak.’ Balet siak, say Katawan, dusaen ta ka lapud ag mo birbiren a nankasalanan ka.

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Jeremias 14:20

Katawan, nankasalanan kamid sika; ipatwa mi ray kasalanan mi tan saray kasalanan da ray lalaki mi.

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Saray Tagleey 5:16

Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.