Saray Taga Roma 9:11 - Maung A Balita Biblia

¹¹ Ta say impamili na Dios ed sakey ya anak et onung ed labay ton dili, aliwan onung ed gaway too, kanyan kasakbayan a nianak ira may siping tan kasakbayan iran makapanggaway maung o maoges,

Maung a Balita Biblia

¹¹ Ta say impamili na Dios ed sakey ya anak et onung ed labay ton dili, aliwan onung ed gaway too, kanyan kasakbayan a nianak ira may siping tan kasakbayan iran makapanggaway maung o maoges,

Saray Taga Roma 9:11 Referans Kwoze

2 Timoteo 1:9

ya angilaban tan anawag ed sikatayo a magmaliw a masanton totoo to. Ginawa to ya, aliwan lapud saray ginagawa tayo, no ag ingen lapud getma tan say panangasi to a niiter ed sikatayo diad panamegley nen Cristo Jesus, tan imparaan to lan para sikatayo sakbay a ginmapoy panaon.

2 Pedro 1:10

Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

Tito 3:5

inlaban to itayo. Nilaban itayo, aliwan lapud saray ginagawa tayon kamaungan, no ag ingen lapud panangasi to, diad panamegley na panangoras a mangipanengneng a say Ispiritu Santo initdan to itayoy balon inkatoo tan balon bilay.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Isaias 14:24

Say Katawan a Makapanyarin-amin sinambaan to: “Nasumpal so antokaman ya implanok. Nagawa so antokaman a ginetmak a gawaen.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

Saray Taga Roma 4:17

Onyay ibabagay Masanton Sulat: “Ginawa ta kan ama na amayamay a bansa.” Makana yan sipan ed arap na Dios a sinisia nen Abraham, say Dios a mamapabilay ed saray inaatey, tan mamapalesa ed saray anggapo diad panamegley na salita to.

TAGA-EFESO 2:9

Kanyan anggapoy nipasirayew na anggan siopad sikayo, ta ag nanlapud gawgawa yo.

Saray Salmo 51:5

Nen nianak ak maoges ak la; nen inlokun ak nen inak makasalanan ak la.

1 TESALONICA 1:4

Amta mi, agagi, ya inaro kayoy Dios tan pinili to kayon kayaryan to.

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

TAGA-EFESO 3:11

Ginawa ya na Dios onung ed andi-anggaan a getma to, a sinumpal to diad panamegley na Katawan tayon Cristo Jesus.

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.