Saray Taga Roma 8:5 - Maung A Balita Biblia

⁵ Ta saray totoon mambibilay onung ed inkanatural na too nanaoleyan so kanunotan da na saray bengatlan onung ed inkanatural na too. Balet saray mambibilay onung ed panangiwanwan na Ispiritu, nanaoleyan so kanunotan da na saray bengatlan onung ed Ispiritu.

Maung a Balita Biblia

⁵ Ta saray totoon mambibilay onung ed inkanatural na too nanaoleyan so kanunotan da na saray bengatlan onung ed inkanatural na too. Balet saray mambibilay onung ed panangiwanwan na Ispiritu, nanaoleyan so kanunotan da na saray bengatlan onung ed Ispiritu.

Saray Taga Roma 8:5 Referans Kwoze

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

Juan 3:6

Say nianak ed laman, laman, tan say nianak ed Ispiritu, ispiritu.

Saray Taga Roma 8:9

Balet ag ki la mambibilay onung ed inkanatural na too, no ag ingen onung ed linaway Ispiritu, no tuan manaayam so Ispiritu na Dios ed sikayo. Say toon andid sikatoy Ispiritu nen Cristo, ag kayaryan nen Cristo.

Marcos 8:33

Balet imbeneg nen Jesus tan inarap to ray disipulo, insan to nampasnukay Pedro. Inkuanto, “Arawi kad siak, Satanas! Say labay na too so nununoten mo, aliwan say labay na Dios.”

2 CORINTO 10:3

Tuan mambibilay kami diad mundo, balet aliwan minumundoy getma mi ed pilalaban mi.

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

TAGA-EFESO 5:9

Ta say silew so mangiiter na amin a klasi na kamaungan, katonungan, tan katwaan.

1 CORINTO 15:48

Saray mangaraldalin a laman et mipara rad samay nanlapud dalin; saray mangatatawen a laman, et mipara rad samay nanlapud tawen.

TAGA GALACIA 5:17

Ta saray liket na inkatoo et sumlang ed linaway Ispiritu Santo tan say linaway Ispiritu Santo et sumlang ed saray liket na inkatoo. Mansusumlangan ira yan dua, kanyan ag yo nagawaan so labay yon gawaen.