Saray Taga Roma 8:16 - Maung A Balita Biblia

¹⁶ Say dilin Ispiritu, a kaiba toy ispiritu tayo, so mamaneknek a sikatayo ray anak na Dios.

Maung a Balita Biblia

¹⁶ Say dilin Ispiritu, a kaiba toy ispiritu tayo, so mamaneknek a sikatayo ray anak na Dios.

Saray Taga Roma 8:16 Referans Kwoze

1 Juan 4:13

Inter na Dios so Ispiritu to ed sikatayo, kanyan amta tayon manaayam itayod Dios tan manaayam ed sikatayo.

2 CORINTO 1:22

Sikato met niy ananda a kayaryan to kami, tan angiter na Ispiritu Santo ed puso mi, a kaletay panumpal tod saray sipan tod sikami.

2 CORINTO 5:5

Say Dios a dili so angiparaan ed sikatayo na sayan pakaoman, tan inter tod sikatayoy Ispiritu to a kaletan ed pangoman tod sikatayo.

TAGA-EFESO 1:13

Ontan yo met, a nen nadngel yoy tuan salita, salanti say Maung a Balita ya angiter ed sikayoy kilalaban, anisia kayod Cristo, tan minarkaan kayoy Dios a kayaryan to diad impangiter tod sikayoy insipan ton Ispiritu Santo.

Saray Taga Roma 8:26

Ontan met, say Ispiritu so ontutulong ed kakapoyan tayo. Ta ag tayo amta no panoy nepeg tayon pampikasi, balet say Ispiritu lan dili so mangipikasid sikatayo ed Dios, diad ey-ey ya ag nayarin ibalikas.

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

1 Juan 5:10

Kanyan siopamay manisiad Anak na Dios, walad sikato yan panagtasi. Balet siopamay ag manisisiad Dios, ginawa ton matilay Dios lapud ag to anisiad panagtasi na Dios nipaakar ed Anak to.

Deuteronomio 14:1

“Sikayo ray totoo na Katawan a Dios yo. Kanyan no manermen kayod inatey, ag yo sasalgeren so laman yo o kikiskisan so arap na olo yo.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Mateo 5:9

“Maliket iray manggagaway polaing na mareen a panoolup da ray katoowan, ta ibilang iray Dios ya anak to!

Lucas 20:36

Ag la ra nayarin ompatey, ta singa ra saray anghil. Anak iray Dios, ta inmoli rad bilay.

Juan 1:12

Balet inter tod amin ya angawat, saray amin ya anisiad sikato so pankanepegan a magmaliw ya anak na Dios.

Saray Gawgawa 5:32

Natasian mi ra yan agawgawa—sikami tan say Ispiritu Santo ya inter na Dios ed saray mangonur ed sikato.”

Saray Taga Roma 8:14

Anak na Dios iray amin ya itotonton na Ispiritu na Dios.

Saray Taga Roma 8:19

Pampilpilalekay amin a pinalsa so pangipatnag na Dios ed saray anak to.

Saray Taga Roma 9:8

Say labay to yan ibaga, aliwan saray inyanak na too so anak na Dios; ingen amin da ray inyanak onung ed sipay Dios sikaray tuan nipapasen a kabyangay boleg.

Saray Taga Roma 9:26

Tan diad pasen ya akapangibagaan ed sikara, ‘Ag ta kayo ra totoo,’ dimay pakatawagan ed sikaran anak ira na mabilay a Dios.”

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

TAGA GALACIA 3:26

Diad panamegley na pananisia yod Cristo Jesus, anak kayon amin na Dios.

TAGA GALACIA 4:6

Tan lapud anak kayo lay Dios, imbaki toy Ispiritu na Anak to ed puso tayo say Ispiritu a mantawag, “Ama, O Amak.”

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Dios—tan saya et tua. Ag itayo kabat na sankamundoan, ta say sankamundoan ag to akabat so Dios.

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.