Saray Taga Roma 7:6 - Maung A Balita Biblia

⁶ Natan balet, anggapo ti lad silong na Ganggan, ta inatey ti lad samay angariped sikatayo. Kanyan ag itayo manlilingkur onung ed daan ya ibabagay nisulat a ganggan, no ag ingen onung ed impamasimbaloy Ispiritu.

Maung a Balita Biblia

⁶ Natan balet, anggapo ti lad silong na Ganggan, ta inatey ti lad samay angariped sikatayo. Kanyan ag itayo manlilingkur onung ed daan ya ibabagay nisulat a ganggan, no ag ingen onung ed impamasimbaloy Ispiritu.

Saray Taga Roma 7:6 Referans Kwoze

2 CORINTO 3:6

Sikatoy angiter ed sikami na pakayari min manlingkur ed balon sipanan, say sipanan ya ag inletneg ed nisulat a ganggan, no ag ingen diad Ispiritu. Ta patey so iter na nisulat a ganggan, balet bilay so iter na Ispiritu.

Saray Taga Roma 7:4

Ontan met, agagi, no say Ganggan so pantotongtongan inatey kayo la, ta kabyangan ki lay laman nen Cristo; tan mikakasakey ki lad sikato a pinaolid bilay, pian dakel iray nagawaan tayon maung a bengatlan nipaakar ed Dios.

Saray Taga Roma 6:4

Ontan sirin, inatey tan nipompon itayo a kaiba tiy Cristo diad panamegley na binyag, pian no panoy inkioli tod bilay diad panamegley na mapagalang a pakayariy Ama, mambilay ti met ed balon panagbilay.

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

COLOSAS 3:10

tan insolung yoy balon inkatoo. Sikato yay balon too a pinalsa na Dios tan papasimbaloen to lawas onung ed indengan to, pian magmaliw a nagnap so pakapikabat yod sikato.

TAGA GALACIA 6:15

Asegat man odino andi so sakey a too, anggapoy wala. Say manona say pagmaliw a balon pinalsa.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Saray Taga Roma 6:22

Balet natan ta nablus ki lad kasalanan tan aripen ki lay Dios, say agunggona yo say masanton bilay a mansumpal ed bilay ya andi-anggaan.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

Saray Taga Roma 7:1

Agagi, natatalusan yoy ganggan, kanyan kabat yon say too et nasasakopan labat na ganggan legan ton mambibilay.

Saray Taga Roma 6:2

Andi! Inatey ti lad kasalanan, panon niy pambilay tid kasalanan?

Saray Taga Roma 6:19

Mainomay iray salitan ikakanak, ta mairap kin makatalus. No inyabuloy yo ray kabyangay laman yo a nikana ra ed karotakan tan ompapalalon kaogsan, ontan met natan, isaklang yoy intiron laman yo ya aripey katonungan tan nikana ed matonung a kipaakaran.

Saray Taga Roma 6:11

Ontan met, nepeg yon ipasen ya inatey ed kasalanan so sikayon dili, balet mabilay para Dios diad pikakasakey yod Cristo Jesus.

Saray Taga Roma 1:9

Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

Ezekiel 11:19

Itdan ko ra na balon puso tan balon ispiritu. Ekalen kod sikaray anawet a puso tan salatan ko na puson matoluk.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Ezekiel 36:26

Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Saray Taga Roma 7:2

Alimbawa: onung ed ganggan, say asawan bii et nasasakopay asawa to legan a mabilay. Balet no inatey lay asawa to, bolus la ed ibabagay ganggan nipaakar ed saray walay asawa.

TAGA-EFESO 4:24

Nepeg yon isolung so balon inkatoo, a pinalsan kaparparay Dios, tan nipanengneng diad tuan panagbilay a masanto tan matonung.