Saray Taga Roma 7:21 - Maung A Balita Biblia

²¹ Kanyan apalinew ko ya onyay nagagawa: no labay koy manggaway kamaungan, say kaogsan so manonaan a nagawaan ko.

Maung a Balita Biblia

²¹ Kanyan apalinew ko ya onyay nagagawa: no labay koy manggaway kamaungan, say kaogsan so manonaan a nagawaan ko.

Saray Taga Roma 7:21 Referans Kwoze

Saray Taga Roma 7:23

Balet nalilikas kon mankikimey so sananey a ganggan ed saray kabyangay laman ko, ganggan a misusumlangan ed ganggan na kanunotan tan angaripen ed siak ya ontoluk ed ganggan na kasalanan a walad saray kabyangan na laman ko.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

Saray Taga Roma 8:2

Ta say ganggay Ispiritu, a mangiiter ed sikatayoy bilay diad panamegley na pikakasakey tid Cristo Jesus, so angibolus ed siak. Kanyan andi ak la ed silong na ganggay kasalanan tan patey.

Saray Taga Roma 6:14

Ta ag nepeg a manoley so kasalanan ed sikayo, ta aliwa ki lan walad silong na ganggan, no ag ta wala ki lad silong na baleg a panangaroy Dios.

Saray Taga Roma 6:12

Kanyan ag yo la nepeg a panoleyey kasalanan ed laman yon ompatey, pian ag yo la naonur so maoges iran pilalek yo.

Saray Salmo 119:133

Onung na insipan mo, ag mo pa iyaabuloy a natumba ak; ag mo pa iyaabuloy a naoleyan ak na maoges.

2 Pedro 2:19

Isisipan day kawayangan ed saray tatanggoyuren da, balet sikaran dili abalur iray makaderal a bisio—ta say too aripen na antokaman a matalona nen say sikato.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Juan 8:34

Inmebat si Jesus, “Ibabagak ed sikayoy katwaan: balang sakey a mankasalanan aripey kasalanan.

Saray Salmo 119:37

Iyarawim pad siak so pangimanod antokaman ya andi-kakanaan; ipanengneng mo pad siak so kamaungan mo onung na insipan mo.

Lucas 4:1

Sinmiput si Jesus ed Jordan a napnoy Ispiritu Santo, tan inyakar ed kalawakan na Ispiritu.

Saray Salmo 65:3

lapud saray kasalanan da. Anggaman ya aaripenen kami na saray kasalanan mi, papaandien mo ra.

Saray Salmo 40:12

Aliber ak na amayamay a gunigon—diad karakel da, ag ko ra nabilang! Tinabunan ak na saray kasalanan ko, kanyan ag ak la makanengneng; dakel ira nen say buek na olok, et nakal so biskeg na linawak.

Saray Taga Roma 7:25

Say Dios diad panamegley nen Jesu-Cristo a Katawan tayo! Salamat ed sikato. Sikato ya siriy kipapasen ko: diad panamegley na kanunotan ko, lilingkuran koy ganggay Dios; balet diad panamegley na inkatook, lilingkuran koy ganggan na kasalanan.