Saray Taga Roma 7:11 - Maung A Balita Biblia

¹¹ Ta inkana na kasalanan so ganggan a pamalingo tan pamatey ed siak.

Maung a Balita Biblia

¹¹ Ta inkana na kasalanan so ganggan a pamalingo tan pamatey ed siak.

Saray Taga Roma 7:11 Referans Kwoze

Genesis 3:13

Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

Saray Taga Roma 7:8

Balet lapud Ganggan, say kasalanan pinabiskeg to ak a manggaway amin a klasiy panagagom. Ta no anggapoy ganggan, inatey so kasalanan.

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a “Natan” et onkanad sikatayo, pian anggapod sikayoy onawet so olo to tan ibalang na kasalanan.

Santiago 1:26

No ipasen na siopaman a sikatoy rilihioso, balet et ag to napatonday sangi tod panagsalitay kaogsan, titilaan to labat so sikaton dili tan andi-kakanaay rilihion to.

Santiago 1:22

Toluk kayod salitay Dios. No dengelen yo labat ya ag yo onuren, titilaan yoy sikayon dili.

Saray Taga Roma 7:13

Say labay to yan ibaga kasi et say kamaungan so makasengeg na impatey ko? Andi! Say kasalanan so amatey ed siak; diad panamegley na kamaungan so impamatey na kasalanan ed siak, pian nipanengneng so tuan kipapasey kasalanan. Kanyan diad panamegley na ganggan, apatnagay ontan lan kaogsay kasalanan.

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

Obadias 1:3

Pinalikdo ka na panagpaatagey mo. Manaayam ka ed tirinsiran malmalet a baton-dampay; walad toktok na saray palandey so abung mo, kanyan kuanmod sikan dili, ‘Siopay makapangileksab ed siak?’

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.