Saray Taga Roma 4:5 - Maung A Balita Biblia

⁵ Balet say toon ag mankimey, no ag ta manisiad Dios a manamaandiy kasalanan da ray makasalanan, paandien na Dios iray kasalanan to lapud pananisia to.

Maung a Balita Biblia

⁵ Balet say toon ag makimey, no ag ta manisiad Dios a manamaandiy kasalanan da ray makasalanan, paandien na Dios iray kasalanan to lapud pananisia to.

Saray Taga Roma 4:5 Referans Kwoze

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

Saray Taga Roma 10:3

Lapud ag da amta so panamaandi na Dios ed kasalanay too, sineetan day angiletneg na dili ran polaing, tan ag ira tinmoluk ed panamaandi na Dios ed kasalanay too.

Saray Taga Roma 4:24

Nisulat met para sikatayon napaandiay kasalanan lapud pananisia tayod Dios ya amaolid bilay ed kinen Jesus a Katawan tayo.

Saray Taga Roma 4:3

ta ibabagay Masanton Sulat, “Anisiay Abraham ed Dios tan lapud pananisia to, pinaandi na Dios so kasalanan to.”

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Habacuc 2:4

Et sikato ya so kuanko: ‘Saray maoges a totoo et ag ira makapaliis ed patey, balet saray matonung mambilay ira lapud matoor ira ed Dios.’”

Josue 24:2

Inkuanen Josue ed amin da ray totoo, “Sikatoya so ibabaga na Katawan a Dios na Israel; ‘Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”

Saray Taga Roma 4:6

Onya so labay ya ibaga nen David sanen sinalita ton maliket so toon pinaandi na Dios iray kasalanan to, aliwan lapud saray ginagawa to: