Saray Taga Roma 4:2 - Maung A Balita Biblia

² No apaandiay kasalanan lapud saray dilin ginagawa to, wala komuy nipasirayew to. Balet anggapoy nipasirayew tod arap na Dios,

Maung a Balita Biblia

² No apaandiay kasalanan lapud saray dilin ginagawa to, wala komuy nipasirayew to. Balet anggapoy nipasirayew tod arap na Dios,

Saray Taga Roma 4:2 Referans Kwoze

1 CORINTO 1:31

Kanyan sirin, onung na ibabagay Masanton Sulat, “Siopamay mampasirayew, saray ginagaway Katawan so nepeg ton ipasirayew.”

2 CORINTO 11:30

No nakaukolan a mampasirayew ak, saray kakapoyan koy ipasirayew ko.

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

TAGA-EFESO 2:9

Kanyan anggapoy nipasirayew na anggan siopad sikayo, ta ag nanlapud gawgawa yo.

TAGA GALACIA 3:22

Balet ibabagay Masanton Sulat ya amin a katoowan et aripen iray kasalanan, pian diad ontan diad panamegley na pananisiad Jesu-Cristo et niiter ed saray mananisia so sipay Dios.

1 CORINTO 9:16

Anggapoy kanepegan kon mampasirayew makasengeg labat ed pampupulong koy Maung a Balita! Ta ingganggan ak a manggawad saya, et pakaskasi ak no ag ko ipulong so Maung a Balita!

1 CORINTO 1:29

Kanyan anggapoy toon makapampasirayew ed arap na Dios.

2 CORINTO 5:12

Ag mi lamet paatageyey sikamin dili ed sikayo, no ag ingen itdan mi kayoy katonungan na pamaatagey yod sikami, pian naebatan yo ray totoon say nengneng na too so ipapasirayew da, aliwan say ogali to.

Saray Taga Roma 15:17

Kanyan lapud pikakasakey kod Cristo Jesus, walay kanepegan kon mampasirayew ed kimey kon para Dios.

Genesis 12:18

Impaawit na ari si Abram tan tinepet to, “Antoy ginawam ed siak? Akin et ag mo imbagad siak ya asawam manaya si Sarai?

2 CORINTO 11:12

Ituloy koy gagawaen ko natan, pian anggapoy nikatonungan da ra tay “apostol” diad pampapasirayew da tan pangibabaga ran say panlilingkur da et singa panlilingkur mi.

1 CORINTO 4:7

Siopay angipasen a maung kayo ni nen saray arum? Antoy walad sikayo ya ag inter na Dios? No ontan sirin, panoy pampasirayew yon singa aliwan rigaloy Dios iray walad sikayo?

Ezekiel 8:9

Inkuantod siak, “Loob ka ta nengneng moy maoges tan makapaingungot a gagawaen da.”

Josue 24:2

Inkuanen Josue ed amin da ray totoo, “Sikatoya so ibabaga na Katawan a Dios na Israel; ‘Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Genesis 12:20

Ingganggan na ari ray totoo to a paekalen da rad bansa, kanyan pinataynan day Abram, samay asawa to tan amin a kayaryan to.