Saray Taga Roma 4:1 - Maung A Balita Biblia

¹ Anto sirin so nibaga tayon nipaakar ed kinen Abraham a sengeg na boleg tayo? Antoy agamuran to?

Maung a Balita Biblia

¹ Anto siran so nibaga tayon nipaakar ed kinen Abraham a sengeg na boleg tayo? Antoy agamuran to?

Saray Taga Roma 4:1 Referans Kwoze

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Saray Taga Roma 4:16

No ontan sirin, say sipan niletneg ed pananisia, pian magmaliw a panangaroy Dios yan sipan tan andi-saew a nagamuran na amin a kabyangan na saray boleg nen Abraham aliwa labat a saray manangonur na Ganggan, no ag pati amin da ray mananisian singa si Abraham. Ta si Abraham so maispiritun ama tayon amin.

2 CORINTO 11:22

Hebreo ta ra? Hebreo ak met. Israelita ta ra? Israelita ak met. Anak ira nen Abraham? Anak to ak met.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

Juan 8:56

Nanliket si ama yon Abraham nen akabatan ton nanengneng toy agew ya isabik. Anengneng to tan nanliket.”

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Mateo 3:9

Tan ag yo iisipen a nasaniban yoy peteg a kipapasen yo diad pangibaga yon laki yoy Abraham. Kuankod sikayo a walay pakayari na Dios a pagmaliwen a tuan anak nen Abraham ira yan bato!

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Juan 8:53

Matalonggaring ka ta nen si ama min Abraham? Inatey, tan saray propita inaatey met ira. Anto tay pangipapasen mod sikan dili a?”

Juan 8:33

Inmebat irad sikato, “Kabyangan kamiy boleg nen Abraham, tan ag kamin balut naaripey siopaman. Panoy pangibagam a nabolus kami?”

Lucas 3:8

Ipanengneng yod panagbilay yo sirin a binenegan yo la ray kasalanan yo. Tan ag yo ibagbagad sikayon dili, ‘Anak kami nen Abraham.’ Kuankod sikayo a nayarian na Dios a pagmaliwen ya anak nen Abraham ira yan bato.

Saray Hebreo 12:9

Dinudusa itayo na saray mangaraldalin ya ama tayo tan, lapud saya, inggalang ti ra. Lalo la sirin a nepeg tayoy ontoluk ed maispiritun Ama tayo, pian mambilay itayo!

Saray Taga Roma 6:1

Antoy nibaga ti natan? Ituloy tayo kasiy mankasalanan pian ombaleg so panangaroy Dios ed sikatayo?

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

Saray Taga Roma 3:5

Balet antoy kuan tayo, no say panggagawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)