Saray Taga Roma 3:6 - Maung A Balita Biblia

⁶ Andin balut! No aliwan matonung so Dios, panon ton sintinsiaay sankamundoan?

Maung a Balita Biblia

⁶ Andin balut! No aliwan matonung so Dios, panon ton sintinsiaay sankamundoan?

Saray Taga Roma 3:6 Referans Kwoze

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Say Libro nen Job 8:3

Pikeweten sirin na Dios so katunongan? Pikeweten to sirin so kaptekan?

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Saray Salmo 50:6

Ibabawag da ray katawenan a matonung so Dios tan sikaton dili so huis!

Saray Salmo 9:8

Matonung so panooley tod sankamundoan; maptek so panisintinsia tod saray katoowan.

Lucas 20:16

“Onlan papatey to ra man a totoo, insan to ipaasikasoy kaubasan ed saray arum.” Nen nadngel ya na saray totoo inkuanda, “Ag komun nagawa tan!”

Saray Taga Roma 3:4

Andi! Nepeg a matoor ed katwaan so Dios anggaman a matilan amin iray katoowan, ta onung na ibabagay Masanton Sulat, “Saray salitam so mangipatnag a maptek ka; tan manalo ka no sikay naakusa.”

Saray Taga Roma 3:31

Lapud sayan pananisia, ekalan mi kasiy kakanaan so Ganggan? Andin balut! Itatalindeg mi ingen so Ganggan.