Saray Taga Roma 3:5 - Maung A Balita Biblia

⁵ Balet antoy kuan tayo, no say panggagawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)

Maung a Balita Biblia

⁵ Balet antoy kuan tayo, no say panggawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)

Saray Taga Roma 3:5 Referans Kwoze

Saray Taga Roma 6:19

Mainomay iray salitan ikakanak, ta mairap kin makatalus. No inyabuloy yo ray kabyangay laman yo a nikana ra ed karotakan tan ompapalalon kaogsan, ontan met natan, isaklang yoy intiron laman yo ya aripey katonungan tan nikana ed matonung a kipaakaran.

TAGA GALACIA 3:15

Agagi, ikanak so alimbawan kabkabat na karaklan a totoo. No pinirmaan lay sakey a sipanan, anggapo lay makaderal ed satan a sipanan, tan ag met la nayarin aruman so insulat.

1 CORINTO 9:8

Ag ira ya labat paneknekay inagew-agew a nagagawad bilay na too; sikato met so sasalitaen na Ganggan.

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Saray Taga Roma 4:1

Anto sirin so nibaga tayon nipaakar ed kinen Abraham a sengeg na boleg tayo? Antoy agamuran to?

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

1 CORINTO 15:32

No say getmay too labat so makasengeg na impilaban ko diad Efeso, a singa ak milalaban ed masebesebeg iran ayayep, antoy nagunggonak? No ag met lamlamang naolid bilay iray inaatey, lalon maung nin onuren tayo may kuanda, “Mangan tan oninom itayo, ta nabwas ompatey itayo.”

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Saray Taga Roma 6:1

Antoy nibaga ti natan? Ituloy tayo kasiy mankasalanan pian ombaleg so panangaroy Dios ed sikatayo?

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

Saray Taga Roma 3:7

Balet, anto no say pantitilak et sikatoy pakagalangay Dios lapud napalinew so katwaan to? Akin et nasintinsiaan ak nin sakey a makasalanan?

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Say Libro nen Job 8:3

Pikeweten sirin na Dios so katunongan? Pikeweten to sirin so kaptekan?

Saray Taga Roma 5:8

Balet impanengneng na Dios so ontan lan panangaro tod sikatayo, ta nen makasalanan itayo ni, si Cristo inatey para sikatayo.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Saray Taga Roma 9:30

Antoy ibaga tayo sirin ey? Saya: saray Hintil, anta ag da aanapey pakapaandi na kasalanan dad arap na Dios, apaandian iray kasalanan diad panamegley na pananisia.

2 CORINTO 6:4

Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

2 CORINTO 7:11

Nengneng yo no antoy ginawad bilay yo na sayan ermen a nanlapud Dios: nagmaliw kin maseet, tan mapeleng kayon mangipapanengneng ya anggapoy kasalanan yo nipaakar ed saraman a bengatla. Saman ya impanpasnuk yo, saman ya inkapagaan yo, saman a liknaan yo, saman a panangaro yo, saman ya inkaparaan yon manusa ed makapoy a gawa! Impanengneng yon ag ki nankasalanan ed saraman a bengatla.

TAGA GALACIA 2:18

Ta no ipaalagey ko ni lamet so dineral ko la, siak ni lamlamang so mangipanengneng a susumlangen koy Ganggan.