Saray Taga Roma 3:4 - Maung A Balita Biblia

⁴ Andi! Nepeg a matoor ed katwaan so Dios anggaman a matilan amin iray katoowan, ta onung na ibabagay Masanton Sulat, “Saray salitam so mangipatnag a maptek ka; tan manalo ka no sikay naakusa.”

Maung a Balita Biblia

⁴ Andi! Nepeg a matoor ed katwaan so Dios anggaman a matilan amin iray katoowan, ta onung na ibabagay Masanton Sulat, Saray salitam so mangipatnag a maptek ka; tan manalo ka no sikay naakusa.

Saray Taga Roma 3:4 Referans Kwoze

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Saray Salmo 116:11

anggan nen natatakot ak, inkuanko, “Anggapoy toon napampiaan.”

TAGA GALACIA 2:17

No sikamin manaanap na pakapaandiy kasalanan ed arap na Dios diad panamegley na pikakasakey ed Cristo et narumog a mankakasalanan kami met, labay to ya kasin ibaga a si Cristo so panlalapway kasalanan? Andin balut!

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Say Libro nen Job 36:3

Malaknab so pakatalus ko; ikanak so kakabatan ko a mangipanengneng a matonung so Dios ya amalsa ed siak.

Juan 3:33

Say mangawat ed paneknek to paneknekan ton tua so Dios.

Saray Salmo 119:160

Say otel na ganggan mo et say katwaan tan andi-anggaan ya amin iray matonung a sintinsiam.

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

Saray Taga Roma 9:14

Lapud saya, nayarian tayo kasin ibaga ya aliwan matonung so Dios? Andi!

Saray Salmo 138:2

Ondadakmomo ak ed arap na masanton Timplom tan idadayew koy ngaran mo, lapud ag mangoman a panangarom tan katooran mo, ta impanengneng mon sankatageyan so ngaran mo tan saray ganggan mo.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Saray Salmo 100:5

Maung so Katawan; ando lan ando so panangaro to tan anggad angga so inkatoor to.

1 Juan 5:10

Kanyan siopamay manisiad Anak na Dios, walad sikato yan panagtasi. Balet siopamay ag manisisiad Dios, ginawa ton matilay Dios lapud ag to anisiad panagtasi na Dios nipaakar ed Anak to.

TAGA GALACIA 2:21

Ag ko ipapasen ya andi-kakanaan so baleg a panangaroy Dios. No napaandiay kasalanan so too diad panamegley na Ganggan, magmaliw ya andi-kakanaan so impatey nen Cristo.

Saray Taga Roma 6:15

Anto sirin ey, mankasalanan itayo kasi lapud aliwa tin walad silong na ganggan no ag ta walad silong na baleg a panangaroy Dios? Andi!

Saray Taga Roma 3:31

Lapud sayan pananisia, ekalan mi kasiy kakanaan so Ganggan? Andin balut! Itatalindeg mi ingen so Ganggan.

Mateo 11:19

Sinmabiy Anak na Too, mangakan tan oniinom, balet kuanda, ‘Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan!’ Anggaman ontan, diad saray gawgawa so pakapatnagan a tua so kakabatay Dios.”

Say Libro nen Job 40:8

Labay mo a paneknekan ya aliwa ak a matonung— a siak so mankakasalanan tan sika so maptek?

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

Saray Taga Roma 11:1

Onyay tepet ko natan sirin: Impolisay na Dios kasi ray totoo ton dili? Andi! Sakey ak met ya Israelita, kabyangan ak na boleg nen Abraham tan say tribu nen Benjamin.

Saray Salmo 62:9

Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

2 CORINTO 1:18

Bangta matoor so Dios, say salita mid sikayo aliwan “Andi” tan “On.”

Saray Taga Roma 11:11

Tepeten ko pa sirin: Atumba ra kasiy Israelita, pian ag la ra makabangon? Andi! No ag ta diad impankasalanan da, sinmabiy kilalaban ed saray Hintil, pian pangimonan iray Israelita.

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Saray Taga Roma 6:2

Andi! Inatey ti lad kasalanan, panon niy pambilay tid kasalanan?

Lucas 20:16

“Onlan papatey to ra man a totoo, insan to ipaasikasoy kaubasan ed saray arum.” Nen nadngel ya na saray totoo inkuanda, “Ag komun nagawa tan!”

Saray Taga Roma 7:13

Say labay to yan ibaga kasi et say kamaungan so makasengeg na impatey ko? Andi! Say kasalanan so amatey ed siak; diad panamegley na kamaungan so impamatey na kasalanan ed siak, pian nipanengneng so tuan kipapasey kasalanan. Kanyan diad panamegley na ganggan, apatnagay ontan lan kaogsay kasalanan.

1 CORINTO 6:15

Ag yo ta amta a saray laman yo et kabyangan nen Cristo? Alaen ko tay kabyangan nen Cristo, insan ko gawaen a kabyangan na biin marotak? Ag nayarin balut!

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.