Saray Taga Roma 3:21 - Maung A Balita Biblia

²¹ Balet natan nipaamta ya aliwan diad panamegley na ganggan so panamaandi na Dios ed kasalanay too. Pinaneknekan ya na Ganggan tan saray propita.

Maung a Balita Biblia

²¹ Balet natan nipaamta ya aliwan diad panamegley na ganggan so panamaandi na Dios ed kasalanay too. Pinaneknekan ya na Ganggan tan saray propita.

Saray Taga Roma 3:21 Referans Kwoze

Saray Gawgawa 10:43

Amin da ray propita nansalita ra nipaakar ed sikato, tan inkuandan siopamay manisiad sikato et napirdona ray kasalanan to diad panamegley na ngaran to nen Jesus.”

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 51:8

naandipat iran singa ataboney a kawes! Balet mansiansia so kilalaban ya iter ko; say pananalok nasungdoan toy amin a panaon.”

TAGA GALACIA 3:8

Akaona lan impanengneng na Masanton Sulat a say Dios paandien to so kasalanan da ray Hintil diad panamegley na pananisia. Ontan met, akaona lan imbagay Masanton Sulat ed kinen Abraham so Maung a Balita, “Diad panamegley mo, bindisionan na Dios iray amin a katoowan.”

Saray Taga Roma 5:19

Tan no saray makasalanan et dinmakel ira lapud impankasalanay sakey a too, ontan met a saray totoon napaandiay kasalanan et ondakel ira lapud intoluk na sakey a too.

Saray Taga Roma 1:17

Ipapaamta na Maung a Balita a say pamirdonay Dios ed saray kasalanay katoowan et onggapo tan mansamput ed panamegley na pananisia. Onung na ibabagay Masanton Sulat, “Mambilay diad panamegley na pananisia so toon apirdona ray kasalanan to.”

Saray Taga Roma 1:2

Sayan Maung a Balita ya abayag lan insipay Dios diad panamegley da ray propita to tan nikorit ed Masanton Sulat,

Saray Gawgawa 15:11

Manisia tayo a nilaban itayo a singa inkilaban da, lapud baleg a panangaro nen Jesus a Katawan.”

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo— Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

1 Pedro 1:10

Inanap tan inosisa na saray propita so sayan kilalaban tan impasakbay dan imbaga so nipaakar ed sayan rigalon iter na Dios ed sikayo.

TAGA GALACIA 5:5

Balet maniilalo kamid pananulong na pakayariy Ispiritu na Dios, a sikamiy napatonung ed arap na Dios diad panamegley na pananisia.

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

Saray Gawgawa 26:22

Balet say Dios tinulongan to ak ya anggad natan, kanyan manalalagey ak a mantatasid anggan siopa, abeba man o atagey so kipapasen to. Say ibabagak anggapoy arum no ag say imbaga na saray propita tan si Moises a nagawa,

Juan 1:45

Nalmo nen Felipe si Nataniel tan kuantod sikato, “Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.”

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Genesis 15:6

Anisiay Abram ed Katawan, tan lapud sayan pananisia to say Katawan impasen ton matonung si Abram.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Saray Taga Roma 9:30

Antoy ibaga tayo sirin ey? Saya: saray Hintil, anta ag da aanapey pakapaandi na kasalanan dad arap na Dios, apaandian iray kasalanan diad panamegley na pananisia.

Saray Taga Roma 5:21

Kanyan no say kasalanan et nanoley diad panamegley na patey, ontan met a manoley so baleg a panangaroy Dios diad panamegley na pakapaandi na kasalanan, pian nagamuran tayoy bilay ya andi-anggaan diad panamegley nen Jesu-Cristo a Katawan tayo.

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

Saray Taga Roma 3:28

Ta malinew lad kanunotan tayo a naandiay kasalanan so too diad panamegley na pananisia tod Cristo, aliwan lapud panangonur tod ibabagay Ganggan.

2 CORINTO 3:9

No say panaglingkur a mansumpal ed dusan patey et walay kagalangan to, say panaglingkur a mansumpal ed pakapaandiy kasalanan na too et lalon matalona niy kagalangan to.