Saray Taga Roma 2:9 - Maung A Balita Biblia

⁹ Manliknay kairapan tan nagunigon ya amin iray totoon manggaway kaogsan, onona, saray Judio tan ontan met na saray Hintil.

Maung a Balita Biblia

⁹ Manliknay kairapan tan nagunigon ya amin iray totoon manggaway kaogsan, onona, saray Judio tan ontan met na saray Hintil.

Saray Taga Roma 2:9 Referans Kwoze

1 Pedro 4:17

Sinmabi lay oras na igapoy pananintinsia, tan onaan a nasintinsiaan iray totooy Dios. No onaan itayon nasintinsiaan, anto siriy pansumpalan da ray ag ontotombuk ed Maung a Balita na Dios?

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

2 TESALONICA 1:6

Gawaen na Dios so manepeg: kairapan so ibales tod saray mamapairap ed sikayo.

Saray Taga Roma 9:24

Kabyangan itayo na sarayan totoon tinawag na Dios, aliwan nanlapud saray Judio labat, no ag pati nanlapud saray Hintil.

Saray Taga Roma 2:10

Balet saray totoon manggaway kamaungan itdan iray Dios na kagalangan, dayew, tan kareenan, onona, saray Judio tan ontan met na saray Hintil.

Saray Gawgawa 3:26

Kanyan piniliy Dios so Aripen to tan onaan kayo ya angibakian to, pian nabindisionan to kayo, diad panamegley na panulong tod sikayon mangibeneg ed maoges a panagbilay yo.”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

COLOSAS 3:11

Lapud saya anggapo lay pandomaay Hintil tan Judio, asegat tan ag asegat, barbaro, tood takel, aripen o aliwan aripen; si Cristo so amin tan walad amin.

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.

Saray Taga Roma 10:12

Anggapoy pandomaay Judio tan Grigo, ta say Katawan et Katawan na amin, tan mangiiter na dakel a bindision ed amin da ray ontatawag ed sikato.

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Saray Gawgawa 28:17

Kalabas na taloy agew, impatawag nen Pablo ray manonan Judio ed siudad. Nen wadman la ra inkuanto, “Agagi, anggaman ya anggapoy ginawak sumpad bansa tayo, o sumpad saray kaogaliyan na saray lalaki tayo, impriso da ak ed Jerusalem tan impalima da ak ed saray mibabaley na Roma.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

Saray Gawgawa 11:18

Nen nadngel da ya, intonda ray pantetetel da tan indayew day Dios. “No ontan sirin,” inkuanda, “initday Dios met iray Hintil na pankanawnawan magbabawi ed saray kasalanan da, pian nagamuran day bilay!”

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

2 Saray Awaran 6:23

O Katawan, dengel ka pad tawen ta sintinsiaan mo ray aripen mo. Dusam pay toon nankasalanan onung na kanepegan to, tan ibolus moy anggapoy kasalanan.

Saray Salmo 32:10

Amayamay so panirapan na totoon maoges, balet saray manmamatalek ed Katawan iyaagel iray ag mangoman a panangaro to.

Probirbio 11:23

Say pilalek na saray totoon matonung mansumpal lawas ed kamaungan; no naala na saray totoon maoges so pilalek da, ampetang so olo na amin a totoo.

Ezekiel 22:31

Lapud saya, idapok ed sikara so pasnuk ko, tan singa panagderal na apoy so panderal kod sikara lapud saray ginagawa ra.” Say Katawan a Dios so nansalita.

Saray Taga Roma 8:35

Siopa sirin so makapangisian ed sikatayod panangaro nen Cristo? Say segsegang, o say ermen, o say kairapan, o say eras, o say kaandiay ikawes, o say kaatapay bilay, o say patey?