Saray Taga Roma 2:5 - Maung A Balita Biblia

⁵ Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Maung a Balita Biblia

⁵ Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Taga Roma 2:5 Referans Kwoze

Saray Taga Roma 1:18

Ta nipaamta a manlapud tawen so sanuk na Dios ed amin a kasalanan tan kaogsan da ray totoon mamapaer na pangipakabat na katwaan, lapud kaogsan da.

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Judas 1:6

Nunot yo met iray anghil ya ag nansiansiad sakop na kanepegan tan kipapasen da; ingen tinaynan day panaayaman da. Say Dios binalur to ra na andi-anggaan a golunggolung diad aralem tan ambilonget a pasen, a diman da aalagdey pakadusa ra no Agew na Okum.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.

Saray Hebreo 3:15

Onyay kuay masanton sulat, “No narengel yo natay bosis na Dios, ag yo papaawetey olo yo, a singa saray lalaki yo nen nilabanan day Dios.”

Deuteronomio 32:34

“Ag nalingwanan na Katawan so ginagawa na saray kalaban da; aalagaren toy manepeg a panaon a panusa tod sikara.

2 Pedro 2:9

Kanyan say Katawan amta to no panon ton ipaliis ed subsubok na bilay iray totoon matoor ed sikato tan no panon ton dusaen anggad Agew na Okum iray totoon bagel,

Saray Hebreo 4:7

kanyan inggana toy sakey nin agew a tatawagey “Natan.” Kayariy abaybayag a panaon, inkuantod panamegley nen David diad samay partiy Masanton Sulat ya asalita la, “No narengel yo natay bosis na Dios, ag yo papaawetey olo yo.”

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a “Natan” et onkanad sikatayo, pian anggapod sikayoy onawet so olo to tan ibalang na kasalanan.

Saray Taga Roma 9:22

Ontan met, anggaman a labay na Dios ya ipanengneng so pasnuk to tan ipaamtay pakayari to, inanosan ton maung ya intepel iray totoon pamapasnukan to tan nepeg la ran dusaen.

Saray Salmo 110:5

Say Katawan et walad nikawanan a diking mo; taloen to ray arari no sikato lay mamasnuk.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

1 Samuel 6:6

Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?

Puyan 6:17

Ta sinmabi lay baleg ya agew a pampasnuk da, et siopay makatepel a miarapan?”

Santiago 5:3

Kinan lay lati iray balituk tan pilak yo, tan satan met a lati mantasin sumpad sikayo tan singa apoy a mangoput na laman yo. Diad sarayan kaonuran ya agew so impanipon yoy kayamanan.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Ezekiel 3:7

Balet anggapod saray totood Israel so ondengel ed sika; ag da ak anggan dengelen. Anawet so olo tan puso ran amin.

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Say Libro nen Job 21:30

Diad agew na isabiy pasnuk tan pananusa na Dios, say toon maoges so nilaban lawas.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Probirbio 1:18

Balet saray ontan a totoo et papatitan day sikaran dili; diad dilin patit day pateyan da.

Probirbio 28:14

Toluk mo lawas so Katawan, et magmaliw kan maliket. No anawet so olom naderal ka.

Jeremias 40:3

et natan sinumpal to yan impasakbay to. Onyay agawa lapud saray totoom et nankasalanan irad Katawan tan ag da inonur.

Ezekiel 11:19

Itdan ko ra na balon puso tan balon ispiritu. Ekalen kod sikaray anawet a puso tan salatan ko na puson matoluk.

Oseas 13:12

“Akasulat so kasalanan tan kaogsan na Israel tan masinusinup ira may angisulatan da.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

2 TESALONICA 1:5

Sikato yay pakanengnengay matonung a pananintinsiay Dios, ta lapud saya naako kayon manepenepeg ed Panariay Dios, a makasengeg na paniirapan yo.

Puyan 2:21

Initdan koy panaon a mampatauli, balet ag to labay ya ikbanay pankakasalanan toy inmoralidad.