Saray Taga Roma 2:3 - Maung A Balita Biblia

³ Abaloan mo kasi, o kaparan too, a nibatikan moy panintinsiay Dios no gawaen moy gagawaen da ray sintinsiaan mon nadusa?

Maung a Balita Biblia

³ Abaloan mo kasi, o kaparan too, a nibatikan moy panintinsiay Dios no gawaen moy gagawaen da ray sintinsiaan mon nadusa?

Saray Taga Roma 2:3 Referans Kwoze

Probirbio 16:5

Kabosul na Katawan ya amin iray mapaatagey; ag to abuloyan a paliisan day dusa.

Saray Taga Roma 1:32

Amta ra, ya onung ed ganggay Dios, kanepegan ya ompatey iray manggawa na saray onya, balet siansian gagawaen da. Aliwan saya labat, aabubunan da ni ingen iray manggagawa ed saraya.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Lucas 12:14

Inmebat si Jesus, “Siopa tay anorod siak a huis o manangapag yo?”

Lucas 22:58

Ag abayag, walay sakey a lakin akaasikasod sikato tan inkuanto, “Kaiba ra ka met, anto?” Balet inmebat si Pedro, “Andi pa!”

Mateo 26:53

Ag mo ta amtan nayarian koy onkerew na tulong ed Amak, tan mangibakin tampol dia na masoluk a labinduan batalyon na anghil?

Mateo 23:33

Ooleg tan anak na ooleg kayo! Panon yon naliktaray dusa ed impirno?

Daniel 10:19

Inkuanto, “Inaro ka na Dios, kanyan ag ka natatakot no ag ingen mandeen ka tan pabiskeg moy linawam.” Kayari ton nansalita, lalon binmiskeg ak tan inkuanko, “Ibagam ed siak so labay mon ibaga. Pinabiskeg mo ak?”

Ezekiel 17:18

Sinumlang toy sinambaan to tan say impipaknaan to. Ginawa to ra yan amin, kanyan natan ag makabatik.”

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Probirbio 11:21

Andi-saew a nadusa iray totoon maoges, balet makapaliis iray totoon matonung.

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

2 Samuel 10:3

inkuan na saray panguloy Ammonita ed kinen ari, “Abaloan mo sirin a say pamagalang ed kinen amam so impangibaki nen David ed sarayan totoo a midamay ed sika? Andi! Imbaki to ra dian manespia tan mannengneng ed siudad, pian nadakep da itayo!”

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.

Lucas 22:60

Balet inkuanen Pedro, “Ag ko amta tay ibabagam!” Kabebekta nen mansasalita ni, kinmukaok so sakey a lalung.

Saray Salmo 56:7

Dusam pa ra, O Dios, lapud kaogsan da; diad pasnuk mo, talom pa ra!

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

Saray Taga Roma 2:2

Amta tayo a say Dios maptek so panagsintinsia to ed saray totoon manggagawa ed saraya.

Saray Taga Roma 9:20

Balet, kaaro, siopa kan too ya onebat ed Dios? Ibaga kasi na banga ed toon nanggawad sikato, “Akin et onyay impanggawam ed siak?”