Saray Taga Roma 2:2 - Maung A Balita Biblia

² Amta tayo a say Dios maptek so panagsintinsia to ed saray totoon manggagawa ed saraya.

Maung a Balita Biblia

² Amta tayo a say Dios maptek so panagsintinsia to ed saray totoon manggagawa ed saraya.

Saray Taga Roma 2:2 Referans Kwoze

Sofonias 3:5

Balet wala nin siansiad siudad so Katawan; say kamaungan so gagawaen to lawas ya aliwan say kaogsan. Kapag kabwasan ya ag balut nasaew, gagawaen toy katonungan ed saray totoo to. Balet itutuloy na saray totoon maoges so panggagawa ray kaogsan tan ag ira ambaing.

Saray Salmo 145:17

Say Katawan matonung ed amin a gagawaen to, tan mapangasid amin a kimey to.

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Puyan 16:5

Nadngel kon inkuay anghil ya inkargadod samay danum, “Sikay Masanto, a wala natan tan wala nen saman! Matonung ira yan sintinsiam.

Saray Taga Roma 9:14

Lapud saya, nayarian tayo kasin ibaga ya aliwan matonung so Dios? Andi!

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Ezekiel 18:29

Ingen sikayo ran Israelita kuanyo, ‘Aliwan maptek so gagawaen na Katawan a Dios!’ Abaloan yo, aliwan maptek so gagawaen ko? Saray gagawaen yo ingen so aliwan maptek.

Ezekiel 18:25

“Balet kuanyo, ‘Aliwan matonung so gagawaen na Katawan a Dios!’ Dengel yo ak, sikayo ran Israelita. Abaloan yo aliwan maptek so gagawaen ko? Saray gagawaen yo ingen so aliwan maptek.

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Saray Salmo 9:4

Matonung tan maptek so panagsintinsiam; insintinsiam ya anggapoy kasalanan ko.

Say Libro nen Job 34:23

Ag nakaukolan na Dios so mangiganay panaon a panintinsia tod saray totoo.

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

Saray Taga Roma 2:3

Abaloan mo kasi, o kaparan too, a nibatikan moy panintinsiay Dios no gawaen moy gagawaen da ray sintinsiaan mon nadusa?