Saray Taga Roma 16:10 - Maung A Balita Biblia

¹⁰ Ibanoan yo ak met ed kinen Apeles ya apaneknekan a matoor ed Cristo. Ibanoan yo ak met ed pamilya nen Aristobulo,

Maung a Balita Biblia

¹⁰ Ibanoan yo ak met ed kinen Apeles ya apaneknekan a matoor ed Cristo. Ibanoan yo ak met ed pamilya nen Aristobulo,

Saray Taga Roma 16:10 Referans Kwoze

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

1 Timoteo 3:10

Nakaukolan a suboken iran onona, tan no anggapoy pakabalawan ed sikara, manlingkur ira.

FILIPOS 2:22

Sikayo lay mamaneknek ed katooran nen Timoteo. Tinulongan to ak ed impangikayat na Maung a Balita; singa anak a tinmulong ed ama to.

2 CORINTO 8:22

Kanyan pilaen mid sikara so agi mi; amimpiga mi lan asubok tan arumog min mampirpirawat ya ontulong. Natan ta balbaleg lay panagmatalek tod sikayo, lalon pirawat toy ontulong ed sikayo.

2 CORINTO 2:9

Say sakey nin makasengeg no akin et sinulat ta kayo, say panubok kod sikayo tan say pangamtak no oonuren yo ray amin a bangabangat ko.

1 CORINTO 11:19

(Nakaukolan a naapag-apag kayo, pian naamtaan no siopad sikayoy walad kaptekan.)

2 Timoteo 4:19

Ibanoan mo ak pad kindi Priscila tan Akila, tan diad pamilya nen Onesiforo.

Saray Taga Roma 8:11

No manayam ed sikayo so Ispiritu na Dios ya amaolid bilay ed kinen Jesus, say Dios ya amaolid Cristo so mangiter met na bilay ed saray ompatey a laman yo, diad panamegley na Ispiritu a manaayam ed sikayo.

Saray Taga Roma 16:3

Ibanoan yo ak pad kindi Priscila tan Aquila a kaparak iran manlilingkur ed Cristo Jesus.

Saray Taga Roma 16:7

tan kindi Andronico tan Junia a kadalaan ko ra tan kaibak irad prisowan; bantug irad saray apostol tan akaona ran nagmaliw a Cristiano nen say siak.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

2 CORINTO 12:2

Walay kabat kon sakey a Cristiano a niakar ed kumatlon tawen; labinapat lan taon so apalabas. (Ag ko amta no silalaman odino andi; say Dios so makaamta.)

TAGA GALACIA 1:22

Ag ak ni anengneng ed saman na saray agagin mananisiad Cristo a wala rad Judea.