Saray Taga Roma 15:8 - Maung A Balita Biblia

⁸ Ta ibabagak ed sikayo a nagmaliw a managlingkur si Cristo ed saray Judio, pian nipanengneng ton matoor so Dios, napatwa to ray sipay Dios ed saray lalaki ra,

Maung a Balita Biblia

⁸ Ta ibabagak ed sikayo a nagmaliw a managlingkur si Cristo ed saray Judio, pian nipanengneng ton matoor so Dios, napatwa to ray sipay Dios ed saray lalaki ra,

Saray Taga Roma 15:8 Referans Kwoze

Mateo 15:24

Inkuanen Jesus, “Nibaki ak labat ed saray karniron abalang na saray totood Israel.”

Juan 1:11

Linmad dilin bansa to, balet ag inawat na saray dilin totoo to.

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 3:3

No aliwan matoor iray arum ed sikara, pagmaliwen to kasin aliwan matoor met so Dios?

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Saray Taga Roma 11:30

Sikayo ran Hintil, aliwa kayon maonur ed Dios nen saman, balet agamuran yoy panangasi na Dios lapud ag intoluk na saray Judio ed sikato.

Saray Taga Roma 11:22

Nanengneng mo diay panangasi tan kinasebeg na Dios. Masebeg ed saray ag manisiad sikato, balet mapangasid sika no mansiansia kad panangasi to. Balet no andi, napoter ka met.

Saray Taga Roma 4:16

No ontan sirin, say sipan niletneg ed pananisia, pian magmaliw a panangaroy Dios yan sipan tan andi-saew a nagamuran na amin a kabyangan na saray boleg nen Abraham aliwa labat a saray manangonur na Ganggan, no ag pati amin da ray mananisian singa si Abraham. Ta si Abraham so maispiritun ama tayon amin.

Saray Taga Roma 3:26

Balet, diad sayan panaon, ipapanengneng ton sikatoy matonung, ta papaandien toy kasalanan na amin a manisiad kinen Jesus.

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

1 CORINTO 15:50

Sayay labay kon ibaga, agagi: say walay laman tan dala to, ag to natawir so Panariay Dios, tan say laman a naboluk, ag to natawir so ag naboluk.

1 CORINTO 10:29

aliwan say konsinsia yo no ag say konsinsia to, so labay kon ibaga. Ta akin et dangkaan na konsinsiay arum so kanepegan kon manggaway labay kon gawaen?

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

1 CORINTO 10:19

Antoy labay kon ibaga? Labay ko kasin ibaga a makabaliksan so dios odino say kakanen ya imbagat ed talintaoy dios?

1 CORINTO 1:12

Say labay kon ibaga, say pandoromaay ibabaga yo. Kuay sakey, “Si Pablo so kaibak”; kuay sananey, “Si Apolos so kaibak”; kuay sakey, “Si Cefas so kaibak”; kuay sananey, “Si Cristo so kaibak.”

Probirbio 8:7

Tua ray sasalitaen ko; kabosul ko ray tila.