Saray Taga Roma 14:2 - Maung A Balita Biblia

² Walay toon manisian naakan toy amin a nakan, balet pising labat so kakaney toon makapoy ed pananisia.

Maung a Balita Biblia

² Walay toon manisian naakan toy amin a nakan, balet pising labat so kakaney toon makapoy ed pananisia.

Saray Taga Roma 14:2 Referans Kwoze

1 Timoteo 4:4

Ta amin a pinalsa na Dios et maung; anggapoy nepeg ya ipolisay dapot no kanen a katekep toy pikakasi na pisasalamat,

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

Probirbio 15:17

Magmaung niy mangan na pising a karongom iray totoon inarom, nen say mangan na sankamaungan a karni a walay bosulan.

Saray Hebreo 13:9

Ag yo iyaabuloy ya ibalang kayoy nambabangil tan nidoma-doma ran bangat. Magmaung nin napabiskeg so linawa tayo diad panamegley na baleg a panangaroy Dios, nen say diad panamegley na pangonur ed saray ganggan a nipaakar ed panangan. Anggapoy nagugunggona da ray mangoonur ed sarayan ganggan.

TAGA GALACIA 2:12

Ta kasakbayan a sinmabid man iray pigaran lalakin imbaki nen Santiago, mirorongoy Pedro ed saray Hintil. Balet nen sinmabi la ra, inarawian to ra tan ag la akirongod sikara, lapud antakot ed saray Judion Cristiano a say labay da et pasegat iray Hintil.

Genesis 9:3

Nayarian yo ran kanen, tan nayarian yo met a pambilay iray tantanaman; iter kon tagano yo ra yan amin.

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

Tito 1:15

Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

1 CORINTO 10:25

Nayarian yon kaney antokaman a nasaliw ed lakoway karni ya ag kayo la tepet-tepet, lapud konsinsia.

Daniel 1:12

Inkuanto, “Subok mo kami karin samploy agew. Itdan mo kami na pising a kanen mi tan say danum ya inomen mi.

Daniel 1:16

Kanyan nanlapud saman samay guardia inyabuloy ton mangan ira na pising, aliwa lan samay kakanen a manlalapud palasio.

Genesis 1:29

Inter kon tagano yo iray amin a tanaman a mangiter na ilik tan amin a kiew a mambungay prutas a nambokel;

Saray Taga Roma 14:1

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

Saray Taga Roma 14:20

Ag yo dederaley kimey na Dios lapu labat ed kakanen. Amin a nakan nayarin kanen, balet maoges so pangan mo na pansengegay pankasalanan na sakey a too.

Saray Taga Roma 15:1

Sikatayo ran mabiskeg ed pananisia nepeg tin tulongan iray makapoy ed pananisia diad panakbat dad saray pakabebelatan da. Ag tayo nepeg a paliketen so sikatayon dili.

1 CORINTO 8:9

Balet manalwar kayo, ta ompan lapud nayarian yoy mangan na antokaman et saya so makasengeg na pankasalanan da ray makapoy ed pananisia.

1 CORINTO 9:22

No kaibak iray makapoy, mampapakapoy ak met a singa sikara, pian natanggoyur ko ra. Mipapara ak ed amin a totoo diad amin a kipapasen da, pian nilaban ko ray arum ed sikara diad anggan anton pamaakaran.