Saray Taga Roma 13:9 - Maung A Balita Biblia

⁹ Ta saray ganggan, “Ag ka mikakaloguran; ag ka mamapatey; ag ka mantatakew; ag ka maagom” tan arum ni ran ganggan a singa saraya et natitibokel ed sayan ganggan, “Arom so kaparam a too, a singa panangarom ed sikan dili.”

Maung a Balita Biblia

⁹ Ta saray ganggan, Ag ka mikakaloguran; ag ka mamapatey; ag ka mantatakew; ag ka maagom tan arum ni ran ganggan a singa saraya et natitibokel ed sayan ganggan, Arom so kaparam a too, a singa panangarom ed sikan dili.

Saray Taga Roma 13:9 Referans Kwoze

Mateo 22:39

Say kumadwa a manonan ganggan kaparpara to: ‘Arom so kaparam a too a singa panangarom ed sikan dili.’

Lucas 10:27

Inkuanto may too, “‘Arom so Katawan a Dios mo ed intiron pusom, intiron kamarerwam, intiron biskeg mo, tan intiron kanunotan mo’; tan, ‘Arom so kaabay mo a singa panangarom ed sikan dili.’”

Marcos 12:31

Say kumadwa saya: ‘Arom so kaparam a too a singa panangarom ed sikan dili.’ Anggapo lay arum a ganggan a manona nen sarayan dua.”

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

TAGA GALACIA 5:13

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Lucas 18:20

Amtam iray ganggan: ‘Ag ka mikakaloguran; ag ka mamapatey; ag ka mantatakew; ag ka mantitila ed pantasim; igalang moy amam tan inam!’”

Marcos 10:19

Amtam iray ganggan: ‘Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.’”