Saray Taga Roma 13:7 - Maung A Balita Biblia

⁷ Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.

Maung a Balita Biblia

⁷ Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.

Saray Taga Roma 13:7 Referans Kwoze

Lucas 20:25

Inkuanen Jesus, “No ontan sirin, iter yo Impirador so nabebetangay Impirador, tan iter yo met ed Dios so nabebetangay Dios.”

Mateo 17:25

“On!” ebat nen Pedro. Kasabi tod abung, tinepet a tampol nen Jesus ed sikato, “Simon, antoy kuanmod saya? Siopay mambayar na lisinsia o buis ed saray ari na sayan mundo? Saray mibabaley o saray sangkaili?”

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

1 Timoteo 5:17

Nakaukolan a dobli so upa ya awaten da ray mamatakken a marakep so pangipapangulo ra, lautlad saray mamapasyan mampupulong tan mambabangat.

Mateo 22:21

“Say Impirador,” ebat da. “No ontan sirin,” kuanen Jesus, “iter yod Impirador so nabebetangay Impirador, tan iter yo met ed Dios so nabebetangay Dios.”

TAGA-EFESO 6:5

Sikayo ran aripen katekep na takot, giwgiw, tan katooran so itoluk yod saray amo yo diad tapew na dalin, a singa si Cristo so panlilingkuran yo.

1 Pedro 3:7

Sikayo ra met a lalaki, talusan tan pagalangan yoy kaasawaan yo diad piaamung yod sikara, ta makapoy ira tan kapara yo ran manawir na bilay a rigaloy Dios. Diad panggawa yod saya, ag nasebelay pikakasi yo.

1 Timoteo 6:1

Kaukolan a saray aripen ipasen da a saray amo ra et manepeg iran mangawat na amin a kagalangan, pian anggan siopa anggapoy nibaga ton maoges sumlang ed ngaray Dios tan say bangat tayo.

TAGA-EFESO 5:33

Balet sikayo met so kipaakaran to: balang laki nepeg ya aroen toy asawa to a singa panangaro tod sikaton dili, tan balang bii nepeg a galangen toy asawa to.

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Marcos 12:17

Kanyan si Jesus kuanto, “Iter yod Impirador so nabebetangay Impirador, tan iter yo met ed Dios so nabebetangay Dios.” Kanyan mankelaw irad sikato.

1 Samuel 12:18

Kanyan nampikasiy Samuel, tan diad saman ya agew pinakarul tan pinaoran na Katawan. Insan tinmakot ed Katawan tan diad kinen Samuel, iray totoo tan

Levitico 19:32

“Itdan yoy lugar iray mamatakken tan igalang yo ra. Takotan yo ak a Katawan a Dios.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

1 Timoteo 5:13

Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

Probirbio 3:27

No nayarian mo, manggawa kay kamaungan ed saray mankaukolan.

Lucas 20:22

Ibagam pa sirin ed sikami: sumpad Ganggan kasi so pambayar na buis ed Impirador na Roma, odino andi?”

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

Saray Taga Roma 13:6

Sikato ya met so makasengeg no akin et mambabayar kayoy buis. Ta saray manoley kumikimey iray Dios tan makoli ran manusumpal ed sayan kanepegan.

1 Saray Arari 3:17

Inkuan na sakey ed sikara, “Kagalang ya Ari, manaayam kami yan bii ed saksakey ya abung! Legan ton wadman ed abung, nananak ak na sakey a laki.