Saray Taga Roma 13:4 - Maung A Balita Biblia

⁴ Ta sikatoy kumikimey na Dios tan pankaabigan moy gagawaen to. Balet takot ka no maoges so gawaen mo, ta dusaen to kan dusaen. Sikatoy kumikimey na Dios a manusa ed saray manggaway kaogsan.

Maung a Balita Biblia

⁴ Ta sikatoy kumikimey na Dios tan pankaabigan moy gagawaen to. Balet takot ka no maoges so gawaen mo, ta dusaen to kan dusaen. Sikatoy kumikimey na Dios a manusa ed saray manggaway kaogsan.

Saray Taga Roma 13:4 Referans Kwoze

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Probirbio 20:2

Takotan moy mamapasnuk ya ari a singa itakot mod mangwam a lion; mambibikkel ka no pampasnuken mo.

Probirbio 16:14

Say toon makabat gawaen toy anggaay nayarian ton paliketen lawas so ari; no mampasnuk so ari, nayarin walay toon ompatey.

2 Saray Awaran 19:6

tan binibilin to ra: “Api-apiger yoy panintinsia yo; aliwan too so nanlapwan na pakayari yon manintinsia no ag ingen say Katawan, tan walad sikayo so Katawan no manintinsia kayo.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Saray Taga Roma 13:6

Sikato ya met so makasengeg no akin et mambabayar kayoy buis. Ta saray manoley kumikimey iray Dios tan makoli ran manusumpal ed sayan kanepegan.

Mikias 3:9

Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Ezekiel 25:14

Ibawian ak na saray totook ya Israelita ed Edom, tan ipalikna rad Edom so sulit na pasnuk ko. Naamtaan na Edom no anto so kipapasen na balesen kon bansa.” Say Katawan a Dios so nansalita.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Isaias 1:17

tan manaral kayo lan manggaway kamaungan. Ipakurang yoy kaptekan ed saray katoowan—tulongan yo ray napapairap, iyagel yo ray olila, tan imasakit yo ray balo.”

Probirbio 20:26

Say makabat ya ari narumog to no siopay manggagaway maoges, insan andi-panangasin dusaen to.

Probirbio 20:8

Say ari onyoyorung ed panagsintinsiaan to tan amta toy kaogsan no nanengneng to.

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

Josue 20:9

Sikara yay siudad a salimbengan ya apili ran para saray amin a totood Israel tan para amin a sangkailin manaayam ed dalin da. Siopamay makapatey ya ag to ginagala niagel diman ed toon labay toy ombawid sikato; ag napatey no sikatoy ag ni asalaysay na karaklan.

Josue 20:5

No say toon labay toy ombawid sikato et tombuken tod man, saray totood siudad et ag da nepeg ya ipalima ed sikato imay toon sinmalimbeng. Nepeg da ya iyagel ta akapatey na too ya ag to ginagala, aliwan lapud pambosul to.

1 Pedro 2:14

tan diad saray gobirnador ya imbaki na Impirador a sikaray manusad saray manggagaway kaogsan tan mamagalang ed saray manggagaway kamaungan.