Saray Taga Roma 13:1 - Maung A Balita Biblia

¹ Nepeg a toluken na balang sakey iray manoley ed gobirno; ta anggapoy pakaoley ya ag nanlapud Dios, tan saray manoley natan et pinayorung iray Dios.

Maung a Balita Biblia

¹ Nepeg a toluken na balang sakey iray manoley ed gobirno; ta anggapoy pakaoley ya ag nanlapud Dios, tan saray manoley natan et pinayorung iray Dios.

Saray Taga Roma 13:1 Referans Kwoze

Tito 3:1

Ipanunot mod saray totoom a paoleyan irad saray manoley tan saray walay betang, onuren da ra, tan sipaparaan iran manggaway kamaungan.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Judas 1:8

Ontan met, sarayan tila-tilan bumabangat, lapud saray kugkogip da, dodotakan da ray laman dan dili, balbalawen day pakayariy Dios, tan lemlemewen da ray gagalangen ya anghil.

Saray Salmo 62:11

Aliwan amimpinsan a nadngel koy Dios ya imbaga to a kayaryan toy pakayari,

TAGA-EFESO 5:21

Manoonuran kayo ta sikato yay pakanengnengan na pangigagalang yod Cristo.

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Deuteronomio 17:12

Nepeg a pateyen so siopaman a manumlang ed sintinsia na huis odino pari a manlilingkur ed saman a panaon; diad onya napaandipat yo yan kaogsan ed Israel.

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Saray Gawgawa 2:41

Kanyan saramay anisiad impulong to, nampabinyag ira. Diad saman ya agew, sakey a talon libon totoo so niarum ed bilang da ray mananisia.

Saray Taga Roma 12:21

Ag ka padadaeg ed maoges; nepeg mo ingen a daegey maoges diad panamegley na maung.

Saray Taga Roma 13:2

Kanyan siopamay onsumlang ed gobirno, sumlangen toy pakaoley ya inletneg na Dios, tan nadusa so toon onsumlang.

1 Timoteo 2:2

Ontan met komun so nagawa para saray arari tan amin da ray manoley, pian makapambilay itayon anggapoy golo tan mareen, walay nagnap a kinasanto tan kasimpitan.