Saray Taga Roma 12:12 - Maung A Balita Biblia

¹² Manliket kid paniilalo yo, mananos kayod saray kairapan yo, tan mampikasi kayo lawas.

Maung a Balita Biblia

¹² Manliket kid paniilalo yo, mananos kayod saray kairapan yo, tan mampikasi kayo lawas.

Saray Taga Roma 12:12 Referans Kwoze

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Saray Hebreo 10:36

Nakaukolan a mananos kayo, pian nasumpal yoy linaway Dios tan naawat yoy insipan to.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

1 Pedro 4:13

Ingen, manliket kayo ta minanabang kayod saray kairapan nen Cristo, pian napano kayoy liket no nipaamta lay kagalangan to.

Santiago 5:7

Kanyan, agagik, mananos kayo anggad isabiy Katawan. Imano yoy dumaralus. Aanosan ton maung ya alagdey mabmabli ran bungay dalin a daralusan to, tan say iterter na onaan tan kaonuran ya oran.

Saray Hebreo 6:15

Maanos a nanalagar si Abraham, kanyan agamuran toy insipan na Dios ed sikato.

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

FILIPOS 4:4

Manliket kayo lawas ed Katawan. Oliten ko: manliket kayo!

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

COLOSAS 4:2

Ag yo totondaay mampikasi. No mampikasi kayo, gawa yon masimoon tan tekepan yoy pisasalamat ed Dios.

2 TESALONICA 3:5

Say Katawan iwanwan to kayo komun ed lalon pakapikabat yo ed panangaro na Dios tan say pananos ya iiter nen Cristo.

1 TESALONICA 5:8

Balet lapud wala tayod agew, kanepegan a malinew so kanunotan tayo. Nepeg tayon isolung so pananisia tan aro a pinagkasamper na pagew tayo, tan say ilalo ed kilalaban a pinagkahilmit tayo.

Saray Gawgawa 1:14

Naynay iran mankakasakey a mampikasi, a kaiba da ray pigaran bibii tan si Maria ya ina nen Jesus, tan saray lalakin agagi nen Jesus.

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

Probirbio 10:28

Gayaga so pansumpalan na saray ilalo na totoon matonung, balet andi-kabaliksan so pansumpalan na saray ilalo da ray totoon maoges.

Saray Hebreo 10:32

Nunot yo pay agawad sikayo nen saman. Nen saman iran agew, kasumpal ya aliwawaan kayo, agaylay impaniirap yo, balet ag kayo atalo.

COLOSAS 4:12

Papaibanoan met so sakey nin kabyangay moyung yo, si Epafras a managlingkur nen Cristo Jesus. Masimoon ton ipipikasi lawas a magmaliw kayo komun a mabiskeg, tan ayadyari ya anggapoy panduaruwaan ed panangonur na linaway Dios.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

Saray Salmo 109:4

Susumpaen da ak, anggaman ya aaroen ko ra, tan impikasik ira.

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

Saray Salmo 40:1

Inanosan koy nanalagar ed tulong na Katawan; insan tinalineng to ak tan dinengel toy tawag ko.

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.”

2 Pedro 1:6

panagadya ed kakabatan yo, panaganos ed panagadya yo, inkatoor ed Dios ed panaganos yo,

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

2 TESALONICA 1:4

Kanyan sikamin dili ikikinun mi kayod saray iglisiay Dios, lapud pansiasiansiay tepel tan pananisia yo, anggaman a dakel iray segsegang tan kairapan a liliknaen yo.

1 CORINTO 13:13

Mansiansia ra yan talo: say pananisia, ilalo, tan aro; balet say aro so sankabalgan ed saraya.

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

Lucas 21:19

Mananos kayo, pian nagamuran yoy tuan bilay.”

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

Saray Taga Roma 8:25

Balet no manilalo tayod ag tayo nanenengneng, anosan tayo ya alagden.

Tito 3:7

Natan lapud baleg a panangaro to, apatonung itayo tan natawir tayoy andi-anggaan a bilay ya iilaloan tayo.

2 Timoteo 3:10

Balet sika, tinombuk moy bangat, ogali, tan getmak ed bilay. Inalig moy pananisiak, panaganos ko, panangarok, tan panagtepel ko.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

FILIPOS 3:1

Kaonuran, agagi, manliket kayo ed Katawan. Ag ak onsawan mangolit-olit a mangisulat ed sikayo ra yan bengatla; andi bali ta pankaabigan yo met lamlamang.

2 CORINTO 12:8

Amitlok ya impikasid Katawan ya ekalen to yan sakit,

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Gawgawa 12:5

Kanyan nanayam ed prisowan si Pedro. Legan tod man, saray kabyangay iglisia masimsimoon dan impikasid Dios.

Saray Gawgawa 6:4

Sikami, balet, ikana mi lay amin ya oras mi ed pampulong tan pampikasi.”

Saray Gawgawa 2:42

Intuloy day nanaaral ed saray apostol. Akiolup met iran sililiket ed saman ya olupan, tan akinabang irad panagpisag na tinapay, tan diad panagpikasi.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”