Saray Taga Roma 11:4 - Maung A Balita Biblia

⁴ Balet antoy inebat na Dios ed sikato? “Angikera ak na piton libo a totoon lalaki para siak, a sikaray ag angigalang ed kinen Baal a dios.”

Maung a Balita Biblia

⁴ Balet antoy inebat na Dios ed sikato? Angikera ak na piton libo a totoon lalaki para siak, a sikaray ag angigalang ed kinen Baal a dios.

Saray Taga Roma 11:4 Referans Kwoze

1 Saray Arari 19:18

Balet mangikera ak ed Israel na piton libon mabilay a totoo—amin da ray matoor ed siak tan ag ira dinmakmomod kinen Baal odino inmangub ed talintao to.”

Saray Bilang 25:3

Baal a dios na Peor. Kanyan akapasnuk so Katawan ed sikara

Sofonias 1:4

“Dusaen ko ray totood Jerusalem tan amin a totood Juda. Paandipaten kod man ya amin iray pakanengnengan na panangigalang ed kinen Baal, et anggapo lad satan so makanunot ed anggan siopan parin manlilingkur ed sikato.

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Jeremias 19:5

tan nampapaalagey iray altar a para si Baal, pian makapampool ira na saray anak dan isaklang a bagat a popoolan. Ag ko ya ingganggan ed sikara; ag balut anggan sinmibang ed kanunotan ko.

Saray Huis 2:13

Tinondaan day angigalang ed Katawan tan nanlilingkur ira ed saray Baal tan Astarot.

Oseas 13:1

Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

Deuteronomio 4:3

Anengneng yon dili so ginawa na Katawan diad Palandey na Peor. Pinatey toy balang sakey a toon angigalang diman ed Baal,

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Isaias 4:3

Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.