Saray Taga Roma 11:11 - Maung A Balita Biblia

¹¹ Tepeten ko pa sirin: Atumba ra kasiy Israelita, pian ag la ra makabangon? Andi! No ag ta diad impankasalanan da, sinmabiy kilalaban ed saray Hintil, pian pangimonan iray Israelita.

Maung a Balita Biblia

¹¹ Tepeten ko pa sirin: Atumba ra kasiy Israelita, pian ag la ra makabangon? Andi! No ag ta diad impankasalanan da, sinmabiy kilalaban ed saray Hintil, pian pangimonan iray Israelita.

Saray Taga Roma 11:11 Referans Kwoze

Saray Taga Roma 11:31

Ontan met, ag ontotoluk natan iray Judio ed Dios, pian diad impakaawat yoy panangasi to, makagamur met iray panangasi.

Saray Taga Roma 11:12

Natan, no say impankasalanan da et inkabindisionay sankamundoan, tan say kinulangan dad maispiritun panagbilay et inkabindisionan da ray Hintil, lalo komun a dakdakel so bindision no amin ya Israelita et nibilang iran amin a totooy Dios.

Saray Taga Roma 10:19

Tepeten ko pa ni: Ag ta atalusan na bansay Israel? Si Moises lay akaonan inmebat: “Pangimonen ta kayo ed saray totoon aliwa ni met a talagan bansa; Pasanuken ta kayo ed saray totoo na ag makatalus a bansa.”

Saray Taga Roma 11:14

ta ag la pigan napaibeg ko ray kadalaan ko, et nilaban so pigarad sikara.

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Ezekiel 18:23

Abaloan yo a maliket ak a makanengneng ed maoges a too ya ompatey?” tepet na Katawan a Dios. “Andi, labay ko nin sikatoy nanengneng kon magbabawi tan mambilay.

Saray Taga Roma 11:1

Onyay tepet ko natan sirin: Impolisay na Dios kasi ray totoo ton dili? Andi! Sakey ak met ya Israelita, kabyangan ak na boleg nen Abraham tan say tribu nen Benjamin.

Ezekiel 18:32

Ag ko labay ya ompatey so siopaman,” Kuay Katawan a Dios. “Ikaindan yo la ray kasalanan yo et mansiansia kayon mambilay.”

Saray Gawgawa 13:42

Nen ompapaway la ra di Pablo tan Bernabe ed sinagoga, saray totoo kinerew dad sikara a mansalita ra lamet no ontombuk ya Agew na Panagpainawa nipaakar ed sarayan bengatla.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Lucas 20:16

“Onlan papatey to ra man a totoo, insan to ipaasikasoy kaubasan ed saray arum.” Nen nadngel ya na saray totoo inkuanda, “Ag komun nagawa tan!”