Saray Taga Roma 10:9 - Maung A Balita Biblia

⁹ No ibawag mo diad panamegley na sangim a si Jesus et Katawan tan manisia kad pusom a sikatoy pinaoli na Dios ed bilay, nilaban ka.

Maung a Balita Biblia

⁹ No ibawag mo diad panamegley na sangim a si Jesus et Katawan tan manisia kad pusom a sikatoy pinaoli na Dios ed bilay, nilaban ka.

Saray Taga Roma 10:9 Referans Kwoze

Lucas 12:8

“Kuankod sikayo a siopamay mamirbir ed siak ed arap na totoo, birbiren met na Anak na Too diad arap da ray anghil na Dios!

Saray Gawgawa 16:31

Inmebat ira, “Manisia kad Katawan a Jesus, et nilaban ka, sika tan say pamilyam.”

FILIPOS 2:11

Ibawag met ed satan na amin a katoowan a si Jesu-Cristo so Katawan. Lapud saya, say Dios Ama so nagalang.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

Saray Taga Roma 14:11

Ta ibabagay Masanton Sulat, “Dapot mabilay ak, kuay Katawan, mantalimukor ed arap ko so amin a pueg tan balang dila mandayew ed Dios.”

1 CORINTO 12:3

Kanyan labay kon naamtaan yo ya anggapoy toon iwawanwan na Ispiritu na Dios a makapangikuan, “Naayew si Jesus!” Ag met nikuan na siopaman a toon ag iwawanwan na Ispiritu Santo, “Katawan si Jesus.”

2 Juan 1:7

Kinmayat ed sankamundoan iray amayamay a managpalikdo—totoo ran ag mamibirbir a si Jesu-Cristo linma dian nagmaliw a too. Managpalikdo tan Anticristo so ontan a too.

Juan 9:22

Onyay imbaga ray atateng to, lapud antakot irad saray Judio. Ta nampapaknaan la na saray Judio a papawayen dad sinagoga so siopaman a mangibagan si Jesus so Cristo.

Saray Gawgawa 8:36

Diad pambabatik da, asabi ray pasen a kawalaay danum. “Nengneng mo, walay danum!” inkuanto may yunuko. “Anto niy makasbel ed pampabinyag ko?”

Saray Gawgawa 2:24

Balet say Dios pinaoli tod bilay tan imbolus tod kairapan na patey, ta ag nayarin oleyan na pakayariy patey.

Saray Gawgawa 2:32

Sayan Jesus pinaolid bilay na Dios, tan tasi kamin amin ed sayan agawa.

Saray Taga Roma 4:24

Nisulat met para sikatayon napaandiay kasalanan lapud pananisia tayod Dios ya amaolid bilay ed kinen Jesus a Katawan tayo.

Saray Taga Roma 10:10

Ta diad panisiay too ed panamegley na puso to, napaandi so kasalanan tod arap na Dios tan diad pangibawag na too ed panamegley na sangi to, nilaban.

Saray Taga Roma 14:9

Ta inatey tan inmolid bilay si Cristo, pian magmaliw a Katawan da ray mabilay tan saray inatey.

1 Juan 4:15

Siopamay mangibagan si Jesus et Anak na Dios, manayam so Dios ed sikato tan sikatoy manayam ed Dios.