Saray Taga Roma 10:4 - Maung A Balita Biblia

⁴ Si Cristo so pansumpalay Ganggan, kanyan siopamay manisiad sikato, napaandi so kasalanan tod arap na Dios.

Maung a Balita Biblia

⁴ Si Cristo so pansumpalay Ganggan, kanyan siopamay manisiad sikato, napaandi so kasalanan tod arap na Dios.

Saray Taga Roma 10:4 Referans Kwoze

TAGA GALACIA 3:24

Kanyan say Ganggan so bumabangat tayo ya anggad insabi nen Cristo, tan diad ontan nipasen itayon matonung ed arap na Dios diad panamegley na pananisia.

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Saray Hebreo 10:14

Kanyan diad panamegley na saksakey a bagat, ginawa ton nagnap ya andi-anggaan iray naorasan ed kasalanan.

COLOSAS 2:17

Amin ira ya et anino labat na bengatla ran onsabi; balet si Cristo so petepeteg ya akananino ed saraya.

COLOSAS 2:10

tan diad pikakasakey yod sikato, naitdan kayoy nagnap a bilay. Walad silong to ray amin a pakayari tan pakaoley.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

TAGA GALACIA 4:5

pian narondon to ray walad silong na Ganggan. Diad ontan, nipasen itayo ya anak na Dios.