Saray Taga Roma 1:9 - Maung A Balita Biblia

⁹ Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

Maung a Balita Biblia

⁹ Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

Saray Taga Roma 1:9 Referans Kwoze

TAGA-EFESO 6:18

Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

Saray Taga Roma 9:1

Kayaryan ak nen Cristo, kanyan tuay ibabagak tan ag ak mantitila. Ooleyan met na Ispiritu Santo so konsinsiak, kanyan andi-duaruwa ya ag ak mantitila.

1 TESALONICA 5:17

Ag yo totondaay mampikasi.

2 CORINTO 1:23

Say Dios so tasik—kabat toy walad dalem na pusok. Nununoten ta kayo, kanyan ag ak nid tan linmad Corinto.

1 TESALONICA 3:10

Labi-agew masimoon min ipipikasi ed Dios a napinengnengan mi kayo komun lamet tan niiter miy kakulangan ed pananisia yo.

1 TESALONICA 1:2

Misasalamat kami lawas ed Dios lapud sikayon amin tan itetekep mi kayo lawas ed saray pikakasi mi.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

FILIPOS 1:4

Kapag pikasi ta kayon amin, makaliliket ak,

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

Saray Gawgawa 19:21

Kasumpal ya agawa ra yan amin, ninunot nen Pablo ya onlan onla ed Jerusalem kasumpal ton ondalan ed Macedonia tan Acaya. “Kayari na iyakar kod Jerusalem,” inkuanto, “nakaukolan met ya onla ak ed Roma.”

1 Timoteo 2:7

Lapud saya, atoro ak ya apostol tan bumabangat ed saray Hintil, pian nipulong kod sikaray nipaakar ed pananisia tan katwaan. Katwaay ibabagak, ag ak mantitila!

FILIPOS 2:22

Sikayo lay mamaneknek ed katooran nen Timoteo. Tinulongan to ak ed impangikayat na Maung a Balita; singa anak a tinmulong ed ama to.

TAGA GALACIA 1:20

Tua ray ibabagak ed sayan sulat. Kabat na Dios ya ag ak mantitila!

2 CORINTO 11:31

Kabat na Dios tan Ama na Katawan a Jesus ya ag ak mantitila. Nagalang komuy ngaran to ed ando lan ando.

Saray Gawgawa 24:14

Birbiren kod sika a mangigagalang ak ed Dios na saray lalaki mi diad panamegley na itotombuk kod Dalan, ya ipapasen dan sakey a tilatilan sikta. Balet manisia ak met ed amin a nisulat ed Ganggan tan saray libro da ray propita.

Saray Gawgawa 12:5

Kanyan nanayam ed prisowan si Pedro. Legan tod man, saray kabyangay iglisia masimsimoon dan impikasid Dios.

Saray Gawgawa 3:26

Kanyan piniliy Dios so Aripen to tan onaan kayo ya angibakian to, pian nabindisionan to kayo, diad panamegley na panulong tod sikayon mangibeneg ed maoges a panagbilay yo.”

Lucas 18:1

Tinongtong nen Jesus so sakey ya alimbawan pangibangat tod sikara a nepeg day mampikasi lawas tan ag ira nanaekalay ilalo.

Marcos 1:1

Sikato yay Maung a Balitan nipaakar ed Jesu-Cristo, say Anak na Dios.

Say Libro nen Job 16:19

Walay sakey a tasik ed tawen a mamaneknek ya ag ak nankasalanan.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

Filemon 1:4

Agin Filemon, misasalamat ak lawas ed Dios kapag nanunotan ta ka ed saray pikakasik,

FILIPOS 1:3

Misalamat ak ed Dios ko kapag nanunotan ta kayo.