Saray Taga Roma 1:7 - Maung A Balita Biblia

⁷ Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

Maung a Balita Biblia

⁷ Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

Saray Taga Roma 1:7 Referans Kwoze

COLOSAS 1:2

Diad saray totooy Dios a taga ra Colosas, saray matoor ya agagi ed Cristo: Itdan kayo komun na Dios ya Ama tayo na bindision tan kareenan.

TAGA-EFESO 1:2

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

1 TESALONICA 1:1

Sayan sulat nanlapud kindi Pablo, Silvano, tan Timoteo— Diad iglisian walad Tesalonica, a sikaray totoo na Dios Ama tan say Katawan a Jesu-Cristo: Nawalaan kayo komuy bindision tan kareenan.

2 Juan 1:3

Itdan itayo komun na Dios ya Ama tan si Jesu-Cristo ya Anak na Ama na bindision, panangasi, tan kareenan.

Filemon 1:3

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

2 TESALONICA 3:18

Nawalaan kayon amin komuy bindisioy Katawan tayon Jesu-Cristo.

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

Puyan 22:21

Amin komun a too et nawalaay bindision na Katawan a Jesus.

Filemon 1:25

Nawalaan kayon amin komuy bindision na Katawan a Jesu-Cristo.

1 Juan 3:1

Nengneng yo so ontan lan panangaroy Ama ed sikatayo! Diad kabaleg na panangaro to atawag itayon anak na Dios—tan saya et tua. Ag itayo kabat na sankamundoan, ta say sankamundoan ag to akabat so Dios.

1 Pedro 1:15

Ingen mambilay kayon masanto, a singa say Dios ya anawag ed sikayo et masanto.

Tito 1:4

Diad sika Tito a tuan anak kod pananisian pankakasakeyan ta: Itdan kayo komun na Dios ya Ama tan si Cristo Jesus a Manangilaban tayo na bindision tan kareenan.

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

2 Timoteo 1:2

Diad kinen Timoteo ya anak kon inararo: Itdan ka komun na Dios ya Ama tayo tan say Katawan a Jesu-Cristo na bindision tan kareenan.

1 Timoteo 1:2

Diad kinen Timoteo, say anak kon peteg ed pananisia: Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

1 TESALONICA 5:28

Nawalaan kayo komuy bindision na Katawan tayon Jesu-Cristo.

1 TESALONICA 4:7

Tinawag itayoy Dios pian mambilay itayod katonungan, aliwan diad karotakan.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

FILIPOS 4:23

Nawalaan kayon amin komuy panangaro na Katawan a Jesu-Cristo.

FILIPOS 4:20

Say Dios tan Ama tayo so nagalang komun ya anggad angga. Amen.

TAGA-EFESO 6:23

Say kareenan tan aro a katekep na pananisia so iter komuy Dios Ama tan Katawan a Jesu-Cristo ed saray agagi.

TAGA GALACIA 6:18

Agagi, nawalaan kayon amin komuy bindision na Katawan tayon Jesu-Cristo. Amen.

1 CORINTO 16:23

Walad sikayo komuy bindision na Katawan a Jesus.

Saray Taga Roma 9:25

Onung ed libro nen Oseas, say Dios kuanto, “Saray totoon ag ko totoo nen saman, tawagen ko ra na ‘Saray totook.’ Say bansan ag ko inaro nen saman, tawagen ko na ‘Say inararok.’

Saray Taga Roma 5:1

Natan ta apaandi la ray kasalanan tayod arap na Dios lapud pananisia, wala lay kareenan tid Dios diad panamegley nen Jesu-Cristo.

Saray Gawgawa 15:23

Impawit dad sikaray sulat ya onyay karga to: “Sikami ran apostol tan mamatakken igagalang mi kayon agagi min nianak a Hintil a walad Antiokia, Siria, tan Cilicia.

COLOSAS 3:15

Panoley yod puso yo so kareenan ya iter nen Cristo, ta sikato yay anawagay Dios ed sikayon amin pian magmaliw kayon kabyangay saksakey a laman. Misalamat kayo met.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Saray Taga Roma 8:39

o anggan say katageyan, o say anggan anton pinalsa—amin da ra ya et ag ira makapangisian ed sikatayo ed panangaroy Dios ya inter tod sikatayo diad panamegley nen Cristo Jesus a Katawan tayo.

Saray Taga Roma 1:6

Kabyangan kayo met ed saray katoowan a tinawag na Dios, pian magmaliw iran mananombuk nen Jesu-Cristo.

Puyan 2:1

“Isulat mod anghil na iglisia ed Efeso: “Sikato yay ibabaga to may sankabembenan toy pitoran bitewen ed kawanan a lima to, tan manaakar ed pegley na pitoran balituk a panangipatoonay lamparaan.

Santiago 1:1

Sayan sulat nanlapud kinen Santiago, aripen na Dios tan say Katawan a Jesu-Cristo: Ibabano ta kayon amin a totooy Dios, amin yon akaykayat ed intiron mundo.

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

Saray Salmo 60:5

Ilaban mo kami pa diad panamegley na pakayarim; ebatan mo pay pikakasi mi, pian niagel iray totoon inarom.

Deuteronomio 33:12

Nipaakar ed tribu nen Benjamin inkuanto: “Sikato yay tribu ya inaro na Katawan tan iyaagel to; Guaguardiaan to ran sanagew Tan manaayam ed pegley da.”

Puyan 3:22

“Sikayo ran walay layag, dengel yoy ibabagay Ispiritu ed saray iglisia!”

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Puyan 2:29

“Sikayo ran walay layag, dengel yoy ibabagay Ispiritu ed saray iglisia!

Puyan 2:18

“Isulat mod anghil na iglisiad Tiatira: “Sikato yay ibabagay Anak na Dios a saray mata to et mandarlang a singa apoy, tan saray sali to et singa pinasileng a gansa.

Puyan 2:12

“Isulat mod anghil na iglisia ed Pergamo: “Sikato yay ibabaga to may walay matdem ya ispadan nantopag so tarem.

Puyan 2:8

“Isulat mod anghil na iglisia ed Esmirna: “Sikato yay ibabaga to may sankaonaan tan say sankasamputan, say inatey tan inmolid bilay.

1 Timoteo 6:2

Ag nepeg a balawen na saray aripen iray amo ran mananisia, ta agagi da rad pananisia. Apiapigeren da ingey panaglingkur dad sikara, ta saray naitdan day kaabigan et saray mananisian inaro ra. Ipurek mon ibangat ira yan bengatla.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Saray Bilang 6:25

Abageyen kayo komun na Katawan tan kasian to kayo;

Saray Gawgawa 9:13

Inmebat si Ananias, “Katawan, amayamay lay akadngelan ko na nipaakar ed sayan too. Agaylay oges konoy ginawa tod saray totoom ed Jerusalem.

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

1 CORINTO 1:24

Balet diad saray tinawag na Dios, Judio o Grigo man ira, si Cristo so pakayari tan kakabatan na Dios.

FILIPOS 1:2

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

1 TESALONICA 1:4

Amta mi, agagi, ya inaro kayoy Dios tan pinili to kayon kayaryan to.

2 TESALONICA 1:2

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.