Saray Taga Roma 1:23 - Maung A Balita Biblia

²³ Anta igalang da komun so ag ompatey a Dios, igagalang da ray talintaoy toon ompatey, saray talintao da ray manok, o ayayep ya apatiray sali, o onkokorung ya ayayep.

Maung a Balita Biblia

²³ Anta igalang da komun so ag ompatey a Dios, igagalang da ray talintaoy toon ompatey, saray talintao da ray manok, o ayayep ya apatiray sali, o onkokorung ya ayayep.

Saray Taga Roma 1:23 Referans Kwoze

Saray Salmo 106:20

insalat day kagalangan na Dios ed talintaoy ayep a mangakay dika.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.

Saray Taga Roma 1:25

Ibebeneg day katwaan a nipaakar ed Dios tan sasalatan da na tila. Igagalang tan panlilingkuran day pinalsa, aliwan say Manamalsa a nepeg a galangen ed ando lan ando! Amen.

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Ezekiel 8:10

Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Deuteronomio 5:8

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum ed dalem na dalin.

Isaias 44:13

Sokaten na iskotur so sakey a poter na tibokel a kiew. Igolis to na tisa ed samay kiew iray nepeg ton gawaen. Kitikitan tod satan na saray kagawaan to, gawaen ton sakey a kaparpara na sakey a guapon laki, ta ilira tod dalem na abung to.

Isaias 40:18

Siopay nayarin pangiparaan ed Dios? Antoy kapara to?

1 CORINTO 12:2

Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.

Saray Gawgawa 10:12

Diad tapew to wadman iray amin a klasiy ayep: saray korung-korung ed dalin tan saray manok ed tagey.