Saray Taga Roma 1:16 - Maung A Balita Biblia

¹⁶ Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Maung a Balita Biblia

¹⁶ Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Saray Taga Roma 1:16 Referans Kwoze

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

2 Timoteo 1:8

Kanyan ag mo ibabaing so pantasim nipaakar ed Katawan, tan ag mo ak met ibabaing a priso to. Ingen, minabang kad saray kairapan lapud Maung a Balita, onung ed pakayarin inter ed sika na Dios

1 Pedro 4:16

Balet no manirap kayo lapud sakey kin Cristiano, ag yo nepeg ya ibaing; igalang yo ingen so Dios diad ngaran nen Cristo.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

Lucas 9:26

Siopamay mangibaing ed siak tan saray salitak, sikato met so ibaing na Anak na Too, no onla dian ompawil a kataruk toy kagalangay Ama, tan kaiba to ray masanton anghil.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

1 CORINTO 2:4

Aliwan diad panamegley na makaayayat iran balikas a nanlapud kakabatay too so inkanak ed impansalitak tan impanpulong ko, no ag ingen diad panamegley na paneknek na Ispiritu tan say pakayari na Dios.

1 CORINTO 2:2

Ta nen wadtan ak, tinibokel kod kanunotan ko ya anggapoy arum a kabaten ko no ag si Jesu-Cristo labat, tan say inkipasak tod krus.

Saray Taga Roma 10:17

Kanyan say pananisia manlalapud pandengel na balita, tan say balita onsasabi diad panamegley na pampulong na nipaakar ed Cristo.

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

1 CORINTO 15:2

Nilaban kayo diad panamegley na Maung a Balitan impulong ko no bembenan yon malet—likud labat no anggapoy kabaliksan na impanisia yo.

Jeremias 23:29

Singa apoy so salitak, tan singa mantilyon manmekmek na saray bato.

TAGA GALACIA 1:7

Diad tuay tua, anggapoy arum a “maung a balita,” balet wala ray manggogolo ed sikayo tan labay dan omanen so Maung a Balitan nipaakar ed Cristo.

Saray Taga Roma 2:9

Manliknay kairapan tan nagunigon ya amin iray totoon manggaway kaogsan, onona, saray Judio tan ontan met na saray Hintil.

Saray Gawgawa 3:26

Kanyan piniliy Dios so Aripen to tan onaan kayo ya angibakian to, pian nabindisionan to kayo, diad panamegley na panulong tod sikayon mangibeneg ed maoges a panagbilay yo.”

Saray Salmo 119:46

Ibawag kod saray arari iray ganggan mo, et ag ak ombaing.

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.

Isaias 53:1

Onebat iray totoo, “Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

1 Timoteo 1:11

Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

2 CORINTO 9:13

Tan lapud paneknek ya iter na sayan panlilingkur yo, dakel iray mangigalang ed Dios lapud inkatoor yod Maung a Balita nen Cristo a totombuken yo, tan lapud inkabonluk yon mangiter ed sikara tan saray arum.

2 CORINTO 2:12

Nen linma ak ed Troas a mampulong na Maung a Balitan nipaakar ed Cristo, say Katawan initdan to ak na marakep a pankanawnawan mankimey diman.

1 CORINTO 9:18

Anto siriy tumang ko? Say tumang ko say pankanawnawak a mangipulong ya anggapoy bayar na Maung a Balita, say ag ko pangaalay intiron kanepegan a para siak diad pampupulong koy Maung a Balita.

1 CORINTO 9:12

No saray arum et walay onyan kanepegan dad sikayo, ag kasi nagkalalod sikami? Balet ag mi ya inkanan kanepegan. Intepel mi ingen iray amin a bengatla, pian ag kami makapangyay makasbel ed ikayat na Maung a Balitan nipaakar ed Cristo.

Saray Taga Roma 15:29

Amtak a no onla ak ditan awit koy ag nasabsabaan a bindision nen Cristo.

Saray Taga Roma 15:19

say pakayari da ray tanda tan milagro, tan say pakayari na Ispiritu Santo. Kanyan diad impambiahik nanlapud Jerusalem ya anggad Ilirico, nipulong ko lan sigput so Maung a Balitan nipaakar ed Cristo.

2 Timoteo 1:16

Kasian komun na Katawan so intiron pamilya nen Onesiforo, ta amimpiga-piga to ak a niligliwa. Ag to imbaing so inkaprisok,

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Saray Salmo 110:2

Manlapud Sion, say Katawan palaknaben toy pakayarim ya ari. “Oleyan mo ray kalaban mo,” kuanto.

Juan 7:35

Mantotongtong iray Judio a kuanda, “Iner la kasiy laen to yan too et ag tayo narumog? Onla kasin mambangat ed Grigo diad saray siudad da a kawalaan da ray Judio?