Saray Salmo 98:4 - Maung A Balita Biblia

⁴ Mankanta kayod liket ed Katawan, amin yon walad mundo; idayew yo diad panamegley na saray kanta tan saray maliket ya eyag!

Maung a Balita Biblia

⁴ Mankanta kayod liket ed Katawan, amin yon walad mundo; idayew yo diad panamegley na saray kanta tan saray maliket ya eyag!

Saray Salmo 98:4 Referans Kwoze

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Saray Salmo 100:1

Kantaan yo so Katawan, amin yon pinalsa ed intiron mundo!

Puyan 19:6

Kasumpal to ya, nadngel koy singa bosis na amayamay a totoo, a singa ungol na mabiskeg ya onaagos a danum tan dalagorug na karul. Inkuanda, “Idayew yoy Dios! Ta Ari so Katawan, say Makapanyarin-amin a Dios tayo!

Saray Salmo 66:1

Manliket kayon oneyag a mangidayew ed Dios, amin yon katoowan!

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Saray Salmo 95:1

Dago kayo, ta idayew tayoy Katawan! Lapud liket mankanta tayo ed Dios a mangyaagel ed sikatayo!

Puyan 19:1

Kasumpal to ya, nadngel koy singa maksil a bosis na amayamay a totoo ed tawen ya inkuanda, “Igalang yoy Dios! Say kilalaban, kagalangan, tan pakayari kayaryan ira na Dios tayo!

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Sofonias 3:14

Mankanta tan eyag kayod liket, sikayon totood Israel! Manggaya kayod intiron puso yo, sikayon totood Jerusalem!

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Saray Salmo 67:4

Manggayaga komun iray bansa tan mankanta ra lapud liket, ta matonung so panisintinsiam ed saray katoowan tan iwawanwan mo ray amin a bansa diad tapew na dalin.

Isaias 42:11

Say kalawakan tan saray baley to et igalang da komun so Dios; igalang komun na saray totood Kedar! Saray totoon manaayam ed siudad na Sela et oneyag ira komun diad toktok na kapalandeyan lapud liket da!

Saray Salmo 66:4

Igagalang kay amin a katoowad tapew na dalin; mangakanta ran mangidayew ed sika, mangakanta ran mangidayew ed ngaran mo.”

Saray Salmo 71:22

Idayew ta ka diad panogtog koy arpa; idayew koy inkatoor mo, O Dios ko. Togtogan ta kad arpak na saray imno, sikan Masanto na Israel.

Saray Salmo 95:2

Ondago tayod arap to a misalamat ed sikato, tan mankanta itayo na saray maliket a kanta a pangidayew.