Saray Salmo 97:11 - Maung A Balita Biblia

¹¹ Onsisinag so silew ed saray totoon matonung, ta onsisinag so gayaga ed saray maung a totoo.

Maung a Balita Biblia

¹¹ Onsisinag so silew ed saray totoon matonung, ta onsisinag so gayaga ed saray maung a totoo.

Saray Salmo 97:11 Referans Kwoze

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Say Libro nen Job 22:28

Onaligwas ka ed amin a gawaen mo, tan onsindag so liwawa ed dalan mo.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

TAGA GALACIA 6:8

Say toon mantanem na saray maoges a likeliket na laman, manani ed saya na patey. Say mantanem onung ed linaway Ispiritu, diad Ispiritu manani na andi-anggaan a bilay.

Saray Salmo 18:28

O Katawan, iitdan mo ak na liwawa; papaliwawaen moy bilonget ko.

Ester 8:16

Saray Judio et akaliket, akalinawa, tan awalaan iray liknaan na impanalo.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.

Say Libro nen Job 11:17

Onliwawa met lad satan a singa agew ed kaagwan so bilay mo, singa liwawad kabwasan so pagmaliwan na bilonget na bilay mo.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Isaias 58:8

“Diad satan say panangasik onwandag ed sikayo a singa ibutay na agew ed kabwasan tan onabig a tampol iray sugat yo. Wala ak lawas ed dikingan yo a mangilaban ed sikayo; say kiwawalak et iyagel to kayo ed anggan iner a pasen.