Saray Salmo 97:1 - Maung A Balita Biblia

¹ Ari so Katawan! Manggayaga ka, O dalin! Manliket kayo, amin yon isla na saray dayat!

Maung a Balita Biblia

¹ Ari so Katawan! Manggayaga ka, O dalin! Manliket kayo, amin yon isla na saray dayat!

Saray Salmo 97:1 Referans Kwoze

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

Saray Salmo 99:1

Ari so Katawan, et manggiwgiw iray katoowan. Manyodyorung ed trono tod tagey da ray kirubin, et nayeyegyeg so dalin.

Saray Salmo 93:1

Ari so Katawan. Akawesan na kagalangan tan abalkesan na biskeg. Niletneg a malmalet so mundo kanyan ag balut nagiing.

Puyan 11:17

tan inkuanda: “Katawan a Dios a Makapanyarin-amin, Dios natan tan nen saman! Misasalamat kamid sika ta inkanam so baleg a pakayarim, tan ginapwan mo lay manoley!

Marcos 11:10

Bindisionan komuy Dios so onsabin panarian nen David ya ama tayo! Nagalang komuy Dios a Sankatageyan!”

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Genesis 10:5

Sikara yay sengeg na saray totoon manaayam ed saray gilig na dayat tan diad saray isla. Anak tan apo nen Jafet ira yan amin; manaayam so balang sakey ed dilin tribu tan bansa to, tan walay dilin salita na balang tribu.

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Mateo 6:10

onsabi la komuy Panarian mo; nagawa komun ed tapew na dalin so linawam a singa pakagagawa to ed tawen.

Mateo 3:3

Nipaakar ed kinen Juan so sinalita nen propita Isaias nen inkuanto, “Walay toon mambabandod kalawakan, ‘Iparaan yoy dalan na Katawan tan apiger yoy panakaran to!’”

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Isaias 41:5

“Saray totood saray arawin dalin anengneng day ginagawak; manggiwgiw irad takot da. Kanyan nantitipon iran amin tan dinmago ra.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Saray Salmo 2:11

Sitatakot kayon manlingkur ed Katawan; giwgiw

Zacarias 14:9

Insan say Katawan so magmaliw ya ari ed intiron mundo; balang sakey a too et igalang to a Dios tan nakabatan da ed saksakey a ngaran.