Saray Salmo 96:1 - Maung A Balita Biblia

¹ Kantaan yoy balon kanta so Katawan! Kantaan yoy Katawan, amin yon katoowan ed tapew na dalin!

Maung a Balita Biblia

¹ Kantaan yoy balon kanta so Katawan! Kantaan yoy Katawan, amin yon katoowan ed tapew na dalin!

Saray Salmo 96:1 Referans Kwoze

Saray Salmo 149:1

Idayew yoy Katawan! Kantaan yoy balon kanta so Katawan; idayew yo diad tipon da ray matoor a totoo to!

Saray Salmo 98:1

Kantaan yoy balon kanta so Katawan; nanggagaway makapakelkelaw iran bengatla! Lapud dilin pakayari tan masanton biskeg to, sikatoy analo.

Saray Salmo 33:3

Kantaan yo na balon kanta, apiapiger yon togtogen so arpa, tan iyeyag yoy liket yo!

Puyan 14:3

Mangakanta ra may sanlasus tan apataplo tan apat a libon totoo na sakey a balon kanta ed arap na trono, diad arap da ra may apatiran pinalsan mabilay tan saramay mamatakken. Anggapoy makaaral ed saman a kanta ra no ag sikara labat ya arondon ed tapew na dalin.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Saray Taga Roma 15:11

Ibabaga to met ni, “Idayew yoy Katawan, amin yon Hintil, idayew yo, amin yon katoowan!”

Saray Salmo 68:32

Kantaan yoy Dios, sikayo ran nanarian diad mundo, kantaan yo na panangidayew so Katawan,

Saray Salmo 66:4

Igagalang kay amin a katoowad tapew na dalin; mangakanta ran mangidayew ed sika, mangakanta ran mangidayew ed ngaran mo.”