Saray Salmo 95:7 - Maung A Balita Biblia

⁷ Sikatoy Dios tayo; sikatayoy totoon aasikasoen to, saray karniron tataganoen to. Diad sayan agew, dengel yoy ibabaga to:

Maung a Balita Biblia

⁷ Sikatoy Dios tayo; sikatayoy totoon aasikasoen to, saray karniron tataganoen to. Diad sayan agew, dengel yoy ibabaga to:

Saray Salmo 95:7 Referans Kwoze

Saray Hebreo 4:7

kanyan inggana toy sakey nin agew a tatawagey “Natan.” Kayariy abaybayag a panaon, inkuantod panamegley nen David diad samay partiy Masanton Sulat ya asalita la, “No narengel yo natay bosis na Dios, ag yo papaawetey olo yo.”

Saray Hebreo 3:15

Onyay kuay masanton sulat, “No narengel yo natay bosis na Dios, ag yo papaawetey olo yo, a singa saray lalaki yo nen nilabanan day Dios.”

Puyan 3:20

Dengel ka! Akaalagey ak ed paway na puirta tan ontotoktok ak. No dengelen na siopaman so bosis ko tan lokasan toy puirta, onloob ak ed abung to tan mirongo ak ed sikato, tan mirongo ed siak.

Saray Salmo 48:14

“Sayan Dios et Dios tayo ya anggad angga; iwanwan to itayo ed amin a panaon ya arapen.”

1 Pedro 2:25

Nen saman singa kayo saray karniron abalbalang, balet natan akapawil ki lan ontotombuk ed Pastol tan Managasikaso na kamarerwa yo.

Saray Salmo 74:1

O Dios, akin et onyay impangikaindan mod sikami? Ag manganggay pasnuk mod saray dilin totoom?

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Saray Salmo 23:1

Say Katawan so managpastol ed siak; amin a nakakaukolan ko walad siak.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a “Natan” et onkanad sikatayo, pian anggapod sikayoy onawet so olo to tan ibalang na kasalanan.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Saray Salmo 115:3

Walad tawen so Dios mi, tan gagawaen toy antokaman a labay to.

Saray Salmo 79:13

Insan sikami ran totoom, saray karniro na poluk mo, anggad anggan misalamat kamid sika tan idayew mi kad amin a panaon ya onsabi.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Saray Salmo 67:6

Say dalin angiter na ani; say Dios a Dios tayo binindisionan to itayo.

Probirbio 8:6

Dengel yo ray makabaliksan a salitak; dugan amin iray ibabagak.

1 Saray Awaran 16:14

Say Katawan so Dios tayo, para amin a katoowan iray ganggan to.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.