Saray Salmo 94:8 - Maung A Balita Biblia

⁸ Talusan yo, sikayo ran totook, agaylay inkakulang-kulang yo! Kapigay pakaaral yo?

Maung a Balita Biblia

⁸ Talusan yo, sikayo ran totook, agay lay inkakulang-kulang yo! Kapigay pakaaral yo?

Saray Salmo 94:8 Referans Kwoze

Saray Salmo 92:6

Say makulang-kulang ag to natalusan tan say ambagel ag to natebek

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

Saray Salmo 49:10

Nanenengneng na anggan siopa ya ompapatey met iray totoon makabat, saray luko-luko tan saray makulang-kulang, tan ititilak dad saray kabyangay boleg da iray kayamanan da.

Saray Taga Roma 3:11

anggapoy makatalus o manaanap ed Dios.

Probirbio 12:1

Say toon pinabli toy pakaamta labay ton naamtaay kalilingo to, balet say toon makulang-kulang bobosulen toy panametek.

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Probirbio 8:5

Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Saray Salmo 73:22

nagmaliw ak ya ambagel a singa ayep ag ta ka atalusan.

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?