Saray Salmo 94:23 - Maung A Balita Biblia

²³ Lapud kaogsan da dusaen to ra, tan lapud saray kasalanan da deralen to ra; say Katawan a Dios tayo so manderal ed sikara.

Maung a Balita Biblia

²³ Lapud kaogsan da dusaen to ra, tan lapud saray kasalanan da deralen to ra; say Katawan a Dios tayo so manderal ed sikara.

Saray Salmo 94:23 Referans Kwoze

Saray Salmo 7:16

Kanyan dudusaen ira lamlamang na dilin kaogsan da, tan napapasakitan ira na dilin panagduksa ra.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 2:22

Balet say Dios paandipaten tod dalin iray totoon maoges, tan baguten to ray makasalanan a singa pamagut na tanaman ed dalin.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Saray Salmo 64:8

Deralen to ra, lapud saraman a salita; ompeyeng ya amin iray makanengneng ed sikara.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Daniel 7:24

Saramay samploran saklur et saray samploran arari a manoley ed samay impirio. Insan onletaw so sakey ya ari a nidoma ed saramay akaona lan ari tan taloen toy talorad sikara.

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

Saray Salmo 12:3

Patondam pa lan amin iray managpalikdon dila, Katawan! Pepetan mo ray mapasirayew a sangi a kuanda,

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Saray Huis 9:57

Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.

2 Saray Arari 19:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Saray Salmo 109:20

Katawan, onya komuy panusam ed saray kalaban ko— saray mamapaoges ed siak!

Probirbio 5:23

Ompatey lapud ag to nadangkaan so sikaton dili. Say ontan lan kinaambagel to so mangyakar ed sikato diad lobuk.

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”